ప్రభాస్ – సందీప్ రెడ్డి వంగా కాంబినేషన్లో వస్తోన్న ‘స్పిరిట్’ పై భారీ అంచనాలు నెలకొన్నాయి. ఇప్పటికే ఈ మూవీ రెగ్యులర్ షూటింగ్ ప్రారంభమైంది. అయితే, సినిమా నుంచి ఏ చిన్న అప్ డేట్ ఇవ్వకుపోగా, అలాగే, ప్రభాస్ లుక్ లీక్ కాకుండా ఉండేందుకు దర్శకుడు సందీప్ రెడ్డి వంగా ప్రత్యేక చర్యలు తీసుకుంటున్నారని పరిశ్రమలో టాక్ వినిపిస్తోంది. తాజా సమాచారం ప్రకారం.. రాబోయే ఆరు నెలల వరకు ప్రభాస్ పబ్లిక్ ప్లేస్లలో కనిపించకూడదని సందీప్ కోరినట్లు తెలుస్తోంది.
ఇక, ఈ సినిమాలో ప్రభాస్ కొత్త లుక్ ప్రేక్షకులకు పెద్ద సర్ప్రైజ్ కావాలని సందీప్ రెడ్డి వంగా భావిస్తున్నారని టాక్. కానీ ప్రభాస్ ఎయిర్పోర్ట్లో గానీ, ఈవెంట్స్లో గానీ హాజరవుతే.. వారు ఎంత జాగ్రత్త పడిన, అభిమానులు ఆయన ఫోటోలు తీసి లీక్ చేస్తారన్న అనుమానం స్పిరిట్ మూవీ టీమ్లో స్పష్టంగా కనిపిస్తుంది. అందుకే షూటింగ్ పూర్తి అయ్యే వరకు రెబల్ స్టార్ బహిరంగ కార్యక్రమాలన్నింటికి దూరంగా ఉండాలని నిర్ణయించుకున్నట్లు సమాచారం. కాగా, ప్రభాస్ను రాబోయే కొన్ని నెలల పాటు చూడలేకపోవడం అభిమానులకు కొద్దిగా నిరాశ కలిగించవచ్చేమో కానీ, సందీప్ రూపొందిస్తున్న ఈ సినిమాలోని ప్రభాస్ లుక్పై మాత్రం ఫ్యాన్స్ ఎగ్జైటెడ్గా ఉన్నారనేది త్వరలోనే తెలుస్తుంది.