Prabhas Maruthi Movie Update : యంగ్ రెబల్ స్టార్ ప్రభాస్ తాజా చిత్రం సలార్ ప్రస్తుతం థియేటర్లలో బీభత్సం సృష్టిస్తోంది. దాదాపు రూ.500 కోట్లు వసూలు చేసి సలార్ సినిమా బాక్సాఫీసు వద్ద ప్రభాస్ పవరేంటో మరో సారి రుజువు చేసింది.బాహుబ‌లి తర్వాత ప్రభాస్ ఫ్యాన్స్ ఎలా చూడాల‌నుకుంటున్నారో అలా అల‌రించే సినిమా సలార్. ప్రశాంత్ నీల్ దర్శకత్వం వహించిన ఈ సినిమాలో ప్రభాస్ కు డైనోసార్‌గా క్రేజీ ఎలివేషన్ దక్కింది. సినిమాలో ప్రభాస్ డైనోసార్‌లా మారి శత్రువులను నాశనం చేశాడు. ఇప్పుడు డైనోసార్ అవతార్‌ను అంతం చేసే సమయం ఆసన్నమైంది. క్రేజీ డైరెక్టర్ మారుతి ఈ డైనోసార్‌ని పూర్తిగా శాంతింప జేసి డార్లింగ్‌గా మార్చబోతున్నాడు. దీనికి సంబంధించి ఓ క్రేజీ అప్ డేట్ కూడా వచ్చింది.
Read Also : Praja Palana Application: ప్రజాపాలన అప్లికేషన్ల అమ్మకాలు.. జీహెచ్ఎంసీ కమిషనర్ వార్నింగ్
ఆదిపురుష్, సలార్, కల్కి వంటి భారీ యాక్షన్ చిత్రాల గ్యాప్‌లో డైరెక్టర్ మారుతి దర్శకత్వంలో ఓ మీడియం రేంజ్ ఎంటర్‌టైన్‌మెంట్ మూవీలో నటిస్తున్నాడు ప్రభాస్. ఈ సినిమా షూటింగ్ చాపకింద నీరులా సాగుతోంది. సలార్ రచ్చ కాస్త తగ్గిన తర్వాత మారుతి తమ సినిమా ఫస్ట్ లుక్ కోసం ముహూర్తం ఫిక్స్ చేశారు. ఈ సినిమా ఫస్ట్‌లుక్‌, టైటిల్‌ని సంక్రాంతికి ప్రకటిస్తామని చెప్పారు. ఈ ప్రకటనలో డైనోసార్ మనందరికీ కావాల్సిన డార్లింగ్‌గా కనిపించనుందని అంటున్నారు. పీపుల్ మీడియా ఈ చిత్రాన్ని నిర్మిస్తున్న సంగతి తెలిసిందే. ఈ చిత్రంలో ప్రభాస్ సరసన హాట్ బ్యూటీ మాళవిక మోహనన్ నటిస్తోంది. గతంలో ఈ చిత్రానికి రాజా డీలక్స్ అనే టైటిల్ పెట్టారు. మరి మారుతి అండ్ టీమ్ ఎలాంటి టైటిల్ ని ఫిక్స్ చేశారో.. ప్రభాస్ ను ఎలా చూపించబోతున్నారో తెలియాలంటే పొంగల్ వరకు ఆగాల్సిందే. ప్రభాస్ జోవియల్ గా, రొమాంటిక్ గా కనిపించి చాలా రోజులైంది. ఈ సినిమాలో మారుతి ప్రభాస్ కామెడీ టైమింగ్‌ని హైలెట్ చేయబోతున్నట్లు తెలుస్తోంది.
Read Also :ISRO: ఇంటెలిజెన్స్ సేకరణ కోసం వచ్చే ఐదేళ్లలో 50 ఉపగ్రహాలను ప్రయోగిస్తాం..