PM Kisan: పీఎం కిసాన్ రైతులకు శుభవార్త.. ఆ రోజే డబ్బులు ఖాతాల్లోకి జమ..

పీఎం కిసాన్ సమ్మాన్ నిధి యోజనకు సంబంధించి 24వ విడత డబ్బులు ఎప్పుడు విడుదలవుతాయనే దానిపై ప్రభుత్వం కీలక ప్రకటన చేసింది. దీపావళి పండుగకు ముందే, అంటే అక్టోబర్ 30వ తేదీన 24వ విడత డబ్బులను నేరుగా రైతుల ఖాతాల్లోకి జమ చేయనున్నట్లు ప్రభుత్వం తెలిపింది. గతంలో జూన్ నెలలో 23వ విడత డబ్బులను విడుదల చేసిన సంగతి తెలిసిందే. ఇప్పుడు 30వ తేదీన రైతుల ఖాతాల్లో రూ. 2,000 చొప్పున జమ కానున్నాయి.

ఈ పథకం ద్వారా కేంద్ర ప్రభుత్వం అర్హులైన రైతులకు ఏడాదికి మొత్తం రూ. 6,000 ఆర్థిక సాయం అందిస్తోంది. ప్రతి నాలుగు నెలలకోసారి రూ. 2,000 చొప్పున మూడు విడతల్లో ఈ డబ్బులను డైరెక్ట్ బెనిఫిట్ ట్రాన్స్ఫర్ (DBT) విధానం ద్వారా నేరుగా బ్యాంక్ ఖాతాల్లోకి పంపుతారు. ఈ సాయం వల్ల విత్తనాలు, ఎరువులు, ఇతర వ్యవసాయ ఖర్చుల కోసం రైతులు ఇబ్బంది పడకుండా లబ్ధి పొందుతున్నారు.

Direct Support, Stronger Farmers!

Mark your calendar! The 24th instalment of PM-KISAN is set to be released on 30th October 2026, empowering our Annadatas with continued financial support.

#PMKISAN #PMKISAN24thInstalment #pmkisan #agrigoi https://t.co/rMOXj7R9NP

— PM Kisan Samman Nidhi (@pmkisanofficial) October 23, 2026

అయితే రైతుల ఖాతాల్లో డబ్బులు జమ కావాలంటే కొన్ని ముఖ్యమైన నిబంధనలను పాటించడం తప్పనిసరి. రైతులు తమ ఈ-కేవైసీ (e-KYC) ప్రక్రియను పూర్తి చేసి ఉండాలి. బయోమెట్రిక్ లేదా ఓటీపీ ఆధారంగా ఈ-కేవైసీ పూర్తి చేయని వారికి ఈ విడత డబ్బులు ఆగిపోయే అవకాశం ఉంది. అలాగే బ్యాంక్ ఖాతాకు ఆధార్ కార్డ్ లింక్ అయి ఉండటంతో పాటు, డైరెక్ట్ బెనిఫిట్ ట్రాన్స్ఫర్ సదుపాయం యాక్టివ్ లో ఉండాలి. వీటితో పాటు భూములకు సంబంధించిన వివరాలు పోర్టల్ లో సరిగ్గా అప్‌లోడ్ చేసి ఉండాలి. ఈ ప్రక్రియలన్నీ సరిగ్గా ఉన్న రైతులకు మాత్రమే అక్టోబర్ 30న రూ. 2,000 సాయం అందుతుంది.