TDP : పెనమలూరు టీడీపీ సీటు పంచాయితీ

విజయవాడలోని పెనమలూరు టీడీపీ సీటు పంచాయితీ సాగుతోంది. మాజీ ఎమ్మెల్యే బోడే ప్రసాద్‌కు బుజ్జగింపు చర్యలు మొదలెట్టింది టీడీపీ అధిష్టానం. మాజీ ఎమ్మెల్యే, పెనమలూరు ఇంఛార్జి బోడే ప్రసాద్‌కు టికెట్ లేదని చెప్పేసింది అధిష్టానం. దీంతో.. నిన్నటి నుంచి బోడే వర్గం ఆందోళనకు దిగింది. నేడు మధ్యాహ్నం 3 గంటలకు చంద్రబాబును బోడే ప్రసాద్ కలవనున్నారు. సాయంత్రం నుంచి నియోజక వర్గంలో ఎన్నికల ప్రచార కార్యక్రమాలను మొదలు పెట్టే దిశగా ప్లాన్ చేస్తున్నారు బోడే ప్రసాద్‌.. అయితే.. బోడే కి పార్టీ నుంచి పిలుపు రావడంతో పెనమలూరు రాజకీయాలు ఆసక్తిగా మారాయి.

 MLC Balmoor Venkat: కాంగ్రెస్ 100 రోజుల పరిపాలనపై ప్రజలు పండుగ చేసుకోవాలి..

అయితే.. నిన్న పెనమలూరు టికెట్‌ రాదని టీడీపీ హైకమాండ్‌ నుంచి బోడే ప్రసాద్‌కు సమాచారం అందటంతో.. ఆయన అనుచర వర్గం ఆందోళనకు దిగారు.. టికెట్‌పై ఆశలు పెట్టుకున్న ప్రసాద్‌.. ఈ వార్త చాలా నిరుత్సాహపరిచిందని పేర్కొన్నారు. “నేను టిక్కెట్ కోసం ఆత్రుతగా ఎదురుచూస్తున్నాను, నాకు అది లభించదని వినడం గుండెలో కత్తిపోటులా అనిపించింది” అని ఆయన వ్యాఖ్యానించారు. బోడే ప్రసాద్ చంద్రబాబు నాయుడు పట్ల తనకున్న అచంచలమైన భక్తిని తెలిపారు. 2014 నుండి 2019 వరకు ఎమ్మెల్యేగా ఉన్న తన పదవీకాలాన్ని ఎత్తిచూపారు, ఆ సమయంలో తాను అవినీతికి కళంకం వేయలేదని పేర్కొన్నాడు. గత ఎన్నికల్లో తన ఓటమికి ప్రతికూల పరిస్థితులు, జగన్ పట్ల ప్రజల్లో ఉన్న సానుభూతి కారణమన్నారు. తెలియక పొరపాట్లు జరిగితే క్షమాపణలు కోరుతూ ప్రజల మధ్య సంక్షేమ కార్యక్రమాలను కొనసాగిస్తున్నట్లు ప్రసాద్ పేర్కొన్నారు.

Top Headlines @1PM : టాప్ న్యూస్