టాలీవుడ్లో ఇప్పుడు ఎక్కడ చూసినా ‘పెద్ది‘ సినిమా విడుదల గురించే చర్చ జరుగుతోంది. ముందుగా ప్రకటించిన ప్రకారం ఈ చిత్రం ఏప్రిల్ 30న ప్రేక్షకుల ముందుకు రావాలి. అయితే తాజా సమాచారం ప్రకారం సినిమా అనుకున్న సమయానికి రావడం కష్టమని తెలుస్తోంది. ఈ ఆలస్యం కేవలం అభిమానులను నిరాశపరచడమే కాకుండా నిర్మాతలకు భారీ ఆర్థిక భారంగా మారేలా కనిపిస్తోంది.
Also Read : Tollywood Summer Releases 2026 : సమ్మర్ అన్ సీజన్గా మారిపోయిందా.. మెగా హీరోలు కూడా హ్యాండ్ ఇచ్చేశారా?
సాధారణంగా పెద్ద సినిమాల డిజిటల్ రైట్స్ ఒప్పందాల్లో రిలీజ్ డేట్ అనేది అత్యంత కీలకం. ‘పెద్ది’ సినిమా విషయంలో ఓటీటీ దిగ్గజం నెట్ఫ్లిక్స్ కీలక నిబంధన విదించింది. ఒకవేళ సినిమా ఏప్రిల్ 30న విడుదల కాకపోతే ఒప్పందం కుదుర్చుకున్న మొత్తంలో 30 శాతం కోత విధిస్తామని నెట్ఫ్లిక్స్ స్పష్టం చేసినట్లు తెలుస్తోంది. అంటే సినిమా ఆలస్యమైతే నిర్మాత కోట్లాది రూపాయల ఆదాయాన్ని కోల్పోవాల్సి ఉంటుంది. వాస్తవానికి ఈ కఠిన నిబంధనకు నిర్మాత మొదట అంగీకరించలేదని ఎట్టి పరిస్థితుల్లో ఏప్రిల్ 30న రిలీజ్ చేయాలని నిర్మాత భావించారని ఇన్ సైడ్ టాక్. కానీ కంటెంట్ రెడీ కాకపోవడం ఇంకా సాంగ్ పెండింగ్, ఆర్ ఆర్ వర్క్ ఉండడంతో చేసేదేమీ లేక వాయిదా వేయాల్సి వస్తోంది. ఏడాది క్రితమే విడుదల తేదీని ప్రకటించినప్పటికీ ఇప్పటికీ షూటింగ్ పనులు పూర్తి కాలేదు. షూటింగ్ పూర్తి కాకుండా కంటెంట్ సిద్ధం కాకుండా నిర్మాత మాత్రం ఏం చేయగలరు. టాలీవుడ్లో ఇప్పుడు ఇదొక ట్రెండ్గా మారింది. షూటింగ్ ప్రారంభం కాకముందే భారీ రిలీజ్ డేట్లను లాక్ చేయడం వల్ల నిర్మాతలు ఇబ్బందుల్లో పడుతున్నారు. ‘పెద్ది’ విషయంలో కూడా అదే జరిగింది. రిలీజ్ డేట్ దగ్గరపడుతున్నా చేతిలో పూర్తి స్థాయి అవుట్పుట్ లేకపోవడంతో, అటు ఓటీటీ డీల్ను కాపాడుకోలేక, ఇటు అభిమానులకు సమాధానం చెప్పలేక నిర్మాతలు సందిగ్దనికి లోనవుతున్నారు. రిలీజ్ వాయిదా వేయడంతో పెద్ది ఓటీటీ నుండి కోల్పోయిన ఆదాయాన్ని థియేటర్ నుండి రాబట్టాల్సి ఉంటుంది.