టాలీవుడ్లో ‘గబ్బర్ సింగ్’ సృష్టించిన సునామీ గురించి ప్రత్యేకంగా చెప్పక్కర్లేదు. సుమారు పుష్కర కాలం తర్వాత పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ మళ్ళీ ‘ఉస్తాద్ భగత్ సింగ్’ (UBS)తో జతకడుతుండటంతో ఈ మూవీ పై అంచనాలు ఆకాశాన్ని తాకుతున్నాయి. శ్రీలీల, రాశీ ఖన్నా హీరోయిన్లుగా నటిస్తున్న ఈ చిత్రాన్ని మైత్రీ మూవీ మేకర్స్ సుమారు రూ. 150 కోట్ల భారీ బడ్జెట్తో నిర్మిస్తున్నారు. ఇప్పటికే విడుదలైన ‘దేఖ్ లేంగే సాలా’ గ్లింప్స్ చూస్తుంటే, పవన్ మార్క్ స్వాగ్ డైలాగ్ డెలివరీతో థియేటర్లలో బాక్సాఫీస్ బద్దలవ్వడం ఖాయమనిపిస్తోంది. అయితే
Also Read : Toxic : ‘టాక్సిక్’ ఓవర్సీస్ డీల్ క్లోజ్.. కన్నడ సినిమా చరిత్రలో కనివినీ ఎరుగని రికార్డు!
మార్చి 26న విడుదల కానున్న ‘ఉస్తాద్ భగత్ సింగ్’ సినిమా నుంచి రెండో పాటను విడుదల చేసేందుకు చిత్ర యూనిట్ సిద్ధమైంది. ‘ఆరా ఆఫ్ ఉస్తాద్’ పేరుతో రాబోతున్న ఈ సాంగ్ పవన్ కళ్యాణ్ రేంజ్కు తగ్గట్టుగా, అదిరిపోయే మాస్ ఎలివేషన్లతో ఉండబోతోందని దర్శకుడు హరీష్ శంకర్ హింట్ ఇచ్చారు. ఆస్కార్ విజేత చంద్రబోస్ సాహిత్యం అందించిన ఈ పాటకు దేవి శ్రీ ప్రసాద్ (DSP) పవర్ఫుల్ ట్యూన్ కంపోజ్ చేశారు. ఈ పాట పవన్ కళ్యాణ్ మార్క్ స్వాగ్ను చూపిస్తూ, థియేటర్లలో విజిల్స్ వేయించేలా ఉంటుందని ఇన్సైడ్ టాక్. ఇప్పటికే హరీష్ శంకర్, చంద్రబోస్ కలిసి దేవిశ్రీని భుజాలపై ఎత్తుకున్న ఫోటో వైరల్ అవుతుండటంతో, మ్యూజిక్ విషయంలో టీమ్ ఎంత కాన్ఫిడెంట్గా ఉందో అర్థమవుతోంది.
