Pawan Kalyan: పవన్ కల్యాణ్‌ను ఎమ్మెల్యేగా, మంత్రిగా చూడాలనేది ఆయనకే కాదు, ఆయన మద్దతుదారులకు కూడా చిరకాల స్వప్నం. పిఠాపురం ప్రజల ఆశీర్వాదంతో పవన్ కల్యాణ్ ఎమ్మెల్యేగా ఎన్నికయ్యారు. ఆయన భారీ మెజారిటీ ఎన్నిక కావడమే కాకుండా జనసేన తరఫున పోటీ చేసిన 21 మంది కూడా గెలవడంతో అందరూ ఆయనను ప్రశంసలతో ముంచెత్తుతున్నారు. ఆయన మంత్రిగా ఇవాళ ప్రమాణ స్వీకారం చేయనున్నారు. ఏపీ సీఎంగా చంద్రబాబుతో పాటు 24 మంది మంత్రులు ప్రమాణ స్వీకారం చేయనున్నారు. వారిలో పవన్ కల్యాణ్ కూడా ఉన్నారు. ఇదిలా ఉండగా.. పవన్ కల్యాణ్ అనే నేను అన్న ఒక్క మాట వినేందుకు అభిమానులు ఉత్కంఠగా ఎదురు చూస్తున్నారు.
Read Also: Chandrababu Naidu Oath Ceremony Live Updates: ఏపీ సీఎంగా చంద్రబాబు ప్రమాణ స్వీకారం.. లైవ్ అప్‌డేట్స్
పవన్ కల్యాణ్ ప్రమాణ స్వీకారం చేసే సమయంలో స్టేజీ వద్ద నినాదాలు మారుమోగే అవకాశం ఉంది. రెండు తెలుగు రాష్ట్రాల్లోని ఆయన అభిమానుల హర్షధ్వానాలతో ఏపీ, తెలంగాణ దద్దరిల్లనున్నాయి. ఇప్పటికే ‘పవన్ కల్యాణ్ అనే నేను’ అనే ట్యాగ్ ఇప్పటికే సోషల్ మీడియా వేదికగా ట్రెండ్ అవుతోంది. ఇప్పుడే ఇలా ఉంటే.. ఇక ఆయన ప్రమాణ స్వీకారం చేసే క్షణాల్లో అభిమానులు రెచ్చిపోనున్నట్లు తెలుస్తోంది. సోషల్ మీడియాలో పవన్ అభిమానులు చాలా సంవత్సరాలుగా ఎదురుచూస్తున్న ఈ క్షణాన్ని ఎంతో ఆనందించనున్నారు. గొప్పగా జరుపుకోనున్నారు. పవన్ ప్రమాణ స్వీకారానికి సంబంధించిన వీడియోలు ట్రెండ్ అవ్వనున్నట్లు తెలుస్తోంది. ఈ విషయంపై సర్వత్రా ఉత్కంఠ నెలకొంది.