Off The Record: బీజేపీలో లీడర్ వర్సెస్ కేడర్.. అధ్యక్షుడు సై అంటే కేడర్ నై అంటోందా ?
- నల్గొండ బీజేపీలో లీడర్ వర్సెస్ కేడర్..
- జిల్లా అధ్యక్షుడు నాగం వర్షిత్రెడ్డి వైఖరితో రచ్చ?..
- వినాయక శోభాయాత్ర పూజలో వర్షిత్ అతి చేశారా?..
- అందుకే జిల్లా అధ్యక్షుడిని కేడర్ సపోర్ట్ చేయలేదా?..
- బీఆర్ఎస్ మాజీ ఎమ్మెల్యేతో కలిసి పూజ చేయడంపై అభ్యంతరం..
- వర్షిత్ వైఖరితోనే సీనియర్స్ దూరం అవుతున్నారా?..
- వర్షిత్రెడ్డి సర్వం నేనే అన్నట్టు వ్యవహరిస్తున్నారా?..
- Follow Us :
-
-
Add as a preferred
source on google
Off The Record: నల్లగొండ నియోజకవర్గ కమలం పార్టీలో…. జిల్లా అధ్యక్షుడు నాగం వర్షిత్ రెడ్డి వన్మేన్ షో చేస్తున్నారన్న విమర్శలు వెల్లువెత్తుతున్నాయి. అదీకూడా.. వాళ్ళు వీళ్ళు కాకుండా… డైరెక్ట్గా పార్టీ కేడరే అలా మాట్లాడుకుంటోందన్న వ్యవహారం చర్చనీయాంశం అవుతోంది. తాజాగా నల్లగొండ పట్టణంలో వినాయక నిమజ్జన శోభాయాత్ర ప్రారంభ పూజా కార్యక్రమం రచ్చ కూడా ఇందులో భాగమేనంటున్నారు. జిల్లాకు చెందిన మంత్రి కోమటిరెడ్డి వెంకట్ రెడ్డి వేదిక మీద ఉండగానే.. బీజేపీ జిల్లా అధ్యక్షుడు చేసిన రచ్చ, జరిగిన రసాభాస, ఆయన్ని పోలీసులు అదుపులోకి తీసుకోవడం లాంటి ఘటనలు ఇందుకు ఉదాహరణగా చెప్తున్నారు. వర్షిత్రెడ్డి వ్యవహరించిన తీరు వల్లే శాంతియుతంగా జరగాల్సిన కార్యక్రమంలో రచ్చ జరిగిందన్నది కమలం పార్టీ ఇంటర్నల్ టాక్. ఒక హోదాలో ఉన్న నాయకుడికి ఎక్కడ తగ్గాలో, దేన్ని వివాదాస్పదం చేయాలో తెలియకుంటే ఎలాగని బీజేపీ శ్రేణులే మాట్లాడుకుంటున్నాయట.ఆయన దూకుడు కారణంగానే… వేదిక దగ్గరే ఉన్నప్పటికీ… కమలం కేడర్ జిల్లా అధ్యక్షుడికి అండగా నిలబడలేకపోయినట్టు చెప్పుకుంటున్నారు. ఇదంతా ఓవైపు జరుగుతుండగా… బీఆర్ఎస్ నేత, నల్లగొండ మాజీ ఎమ్మెల్యే కంచర్ల భూపాల్ రెడ్డి.. బీజేపీ జిల్లా అధ్యక్షుడికి మద్దతు పలకడం, ఆయన కోసం నిరసనకు దిగడం, గొడవ సద్దుమణిగాక ఇద్దరూ కలిసి గణేష్ పూజా కార్యక్రమాలు నిర్వహించడం రాజకీయ కలకలం రేపుతోంది. అది చూసి విస్తుపోవడం కమలం పార్టీ కార్యకర్తల వంతైందట. ఇదెక్కడి కాంబినేషన్ అంటూ షాకవుతున్నారట.
Read Also: Off The Record: పార్టీ ఫిరాయించిన ఎమ్మెల్యేలలో ఎంత మంది సేఫ్ జోన్ లో ఉన్నారు..?
Also Read
- New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
- Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
- Telugu Movie Piracy: టాలీవుడ్లో మళ్లీ పైరసీ కలకలం.. ఒకే వెబ్సైట్లో 4 కొత్త సినిమాలు లీక్..
- Gold and Silver Prices: గోల్డ్, సిల్వర్ ధరల్లో భారీ పతనం.. వారం రోజుల్లో ఎంత తగ్గిందంటే..?
ఇవన్నీ తాజా ఘటనలు కాగా… కొంత కాలం నుంచి నాగం వర్షిత్రెడ్డి వ్యవహారశైలితో పార్టీ పిలుపునిచ్చిన కార్యక్రమాలపై కూడా సీనియర్ లీడర్స్, వారి అనుచరగణం పెద్దగా ఆసక్తి చూపడంలేదట.. సీనియర్లకు ప్రాధ్యానత ఇవ్వకపోవడం, పార్టీలో సామాజిక సమీకరణలు పాటించకపోవడం, కీలక నేతల పర్యటనల సమయంలో వేదికల మీద ప్రోటోకాల్ పాటించకపోవడం, అంతా తానే అన్నట్టు వ్యవహరించడం లాంటి కారణాలతో ఆయన్ను కొందరు నేతలు గట్టిగానే వ్యతిరేకిస్తున్నారట. అసలు వర్షిత్ రెడ్డికి జిల్లా అధ్యక్ష బాధ్యతలు తీసుకున్నప్పటి నుంచే… కొందరు సీనియర్ నేతలు వ్యతిరేకిస్తున్నట్టు తెలుస్తోంది. రెండు వర్గాల మధ్య సయోధ్య కోసం నల్గొండ నుంచి హైదరాబాద్ మీదుగా ఢిల్లీదాకా వెళ్ళినా… ప్రయోజనం లేకపోగా…. అసంతృప్త నేతల మీద పైచేయి కోసం జిల్లా అధ్యక్షుడు చేస్తున్న విన్యాసాలు వికటించి పార్టీని కూడా ఇరకాటంలో పడేస్తున్నాయట. ఈ పరిస్థితుల్లో… ఇటీవల నల్గొండ బీజేపీలో నోటితో మాట్లాడుకుంటూ నొసటితో వెక్కిరించుకోవడాలు పెరిగిపోయాయి. కార్యక్రమం ఏదైనా సరే… జిల్లా అధ్యక్షుడు సై అంటే.. సీనియర్ నేతలు మరో ఆలోచన లేకుండా నై అంటున్నారట. ఈమధ్య అది పీక్స్కు చేరడంతో… బీజేపీ కార్యక్రమాలు కొన్ని అంతర్గత రచ్చకు, మరికొన్ని బహిరంగ అసంత్రుప్తికి కారణం అవుతున్నాయంటున్నారు. సామాజిక సమీకరణలు, పార్టీ సీనియర్స్కు ప్రాధాన్యత ఇవ్వకపోవడం వంటి కారణాలతో పార్టీలో పరిస్థితులు అంతకంతకూ దిగజారుతున్నట్టు తెలుస్తోంది. ఇక కొందరు నేతలను పొమ్మనలేక పొగబెట్టే ప్రోగ్రామ్ కూడా రొటీన్ అయిందన్న గుసగుసలు వినిపిస్తున్నాయి. మొత్తంగా అందరూ విడివిడిగా.. నల్గొండలో పార్టీని డ్యామేజ్ చేస్తున్నారని అంటున్నారు పార్టీ కార్యకర్తలు. పెద్దలు జోక్యం చేసుకోకుంటే… ఇప్పుడు ఓ మాదిరిగా ఉన్న బలాన్ని కూడా పూర్తిగా పోగొట్టుకోవాల్సి వస్తుందని సొంత కేడరే హెచ్చరిస్తోంది.
తాజావార్తలు
-
Mayukha : ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. కానీ ఒక్క కండిషన్?
-
New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Hardik Pandya Trade: హార్దిక్ను ఎందుకు తీసుకున్నామంటే.. పంజాబ్ కింగ్స్ హెడ్ కోచ్ ఆసక్తికర వ్యాఖ్యలు!
-
UNEXPECTED – SAFED SACH: దేశాన్ని కుదిపేసిన డెహ్రాడూన్ బస్సు ఘటనపై సినిమా
ట్రెండింగ్
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!