క్రికెట్లో రికార్డులు బ్రేక్ అవుతూనే ఉంటాయి. ఎంతోమంది దిగ్గజాల రికార్డును బద్దలు కొట్టిన సందర్భాలు ఉన్నాయి. కానీ ఈ బ్యాటర్ రికార్డును బ్రేక్ చేయడం అసాధ్యంగా కనిపిస్తోంది. ఇంతకీ ఆ బ్యాటర్ ఎవరనుకుంటున్నారా..? వెస్టిండీస్ క్రికెటర్, మాజీ కెప్టెన్ నికోలస్ పూరన్.. అంతకుముందు.. అత్యధిక టీ20 సిక్సర్లు బాదిన ప్రపంచ రికార్డు కరీబియన్ బ్యాట్స్మెన్, యూనివర్స్ బాస్ క్రిస్ గేల్ పేరిట ఉండేది. 2015లో గేల్ 135 సిక్సర్లు కొట్టాడు. అయితే.. ఆ రికార్డును తొమ్మిదేళ్ల తర్వాత తమ దేశ ఆటగాడు నికోలస్ పూరన్ బద్దలు కొట్టాడు. ఇంకా ఈ సంవత్సరం ముగియడానికి చాలా రోజులు ఉన్నాయి. ఇంకెన్ని సిక్సర్ల వర్షం కురిపిస్తాడో..
UP: యంత్రంతో 60 ఏళ్ల వృద్ధులను 25 ఏళ్లలోపు యువతగా మారుస్తామని చెప్పి.. ఆపై…
సెప్టెంబర్ 22న ట్రిన్బాగో నైట్ రైడర్స్, సెయింట్ కిట్స్ అండ్ నెవిస్ పేట్రియాట్స్ మధ్య జరిగిన కరేబియన్ ప్రీమియర్ లీగ్ (CPL) 2024 మ్యాచ్లో.. పూరన్ 43 బంతుల్లో 93 నాటౌట్ ఇన్నింగ్స్ ఆడాడు. అతని ఇన్నింగ్స్లో ఏడు సిక్సర్లు బాదాడు. టీ20 క్రికెట్లో ఒక సంవత్సరంలో 150 సిక్సర్ల మ్యాజిక్ ఫిగర్ను తాకింది. పురాన్ బలమైన ఇన్నింగ్స్తో ట్రిన్బాగో నైట్ రైడర్స్ ఏడు వికెట్ల తేడాతో విజయం సాధించింది. 20 ఓవర్లలో సెయింట్ కిట్స్ అండ్ నెవిస్ పేట్రియాట్స్ నాలుగు వికెట్ల నష్టానికి 193 పరుగులు చేయగా.. ట్రిన్బాగో నైట్ రైడర్స్ 18.3 ఓవర్లలో లక్ష్యాన్ని ఛేదించింది. జాసన్ రాయ్ 34 బంతుల్లో 64 పరుగులు చేశాడు.
Nitin Gadkari: నాలుగోసారి ప్రభుత్వాన్ని ఏర్పాటు చేస్తామన్న గ్యారెంటీ లేదు..!
టీ20 క్రికెట్ చరిత్రలో అత్యధిక సిక్సర్లు బాదిన బ్యాట్స్మెన్ల గురించి చెప్పాలంటే.. క్రిస్ గేల్ అగ్రస్థానంలో ఉన్నాడు. 2005 నుంచి 2022 మధ్య క్రిస్ గేల్ మొత్తం 1056 సిక్సర్లు బాదాడు. ఇప్పటివరకు మొత్తం 892 సిక్సర్లు బాదిన కీరన్ పొలార్డ్ ఈ జాబితాలో రెండో స్థానంలో ఉన్నాడు. ఈ జాబితాలో మొత్తం 709 సిక్సర్లు బాదిన ఆండ్రీ రస్సెల్ మూడో స్థానంలో ఉన్నాడు. ఆ తర్వాత పూరన్ ఉన్నాడు. అతని ఖాతాలో ఇప్పటివరకు 563 సిక్సర్లు ఉన్నాయి. టీ20 క్రికెట్లో అత్యధిక సిక్సర్లు కొట్టిన టాప్-4 బ్యాట్స్మెన్లు కరేబియన్కు చెందినవారే ఉన్నారు. దీనికి అతిపెద్ద కారణం కరేబియన్ ఆటగాళ్లు ప్రపంచవ్యాప్తంగా వివిధ టీ20 లీగ్లలో అత్యధికంగా పాల్గొనడం.