Israel Hamas War: హమాస్-ఇజ్రాయెల్ యుద్ధంలో ఇప్పటివరకు 9000మృతి.. నెతన్యాహు ఏమన్నాడంటే?

Israel Hamas War: గత మూడు వారాలుగా ఇజ్రాయెల్‌, హమాస్‌లు పరస్పరం బాంబు దాడులు చేసుకుంటున్నాయి. ఈ యుద్ధంలో మృతుల సంఖ్య 9000 దాటింది. ఈ యుద్ధం రెండవ దశ ప్రారంభమైందని ఇజ్రాయెల్ ప్రధాని బెంజమిన్ నెతన్యాహు అన్నారు. ఈ దశ ఖచ్చితంగా సుదీర్ఘమైనది. కష్టాలతో నిండి ఉంటుంది కానీ మన సైన్యం వెనక్కి తగ్గకూడదు ఇది కేవలం ఆరంభం మాత్రమే అన్నారు. శుక్రవారం అర్ధరాత్రి గాజాపై జరిగిన భారీ బాంబు దాడి గురించి నెతన్యాహు మాట్లాడుతూ, నిన్న సాయంత్రం మన సైన్యం గాజాలోకి ప్రవేశించిందని అన్నారు. ఇది ఈ యుద్ధం రెండవ దశ ప్రారంభం, దీని లక్ష్యం హమాస్ దళాలను నాశనం చేయడం. మన బందీలను సురక్షితంగా తిరిగి తీసుకురావడం. వార్ క్యాబినెట్, సెక్యూరిటీ క్యాబినెట్ సమావేశంలో మేము ఏకగ్రీవంగా గ్రౌండ్ కార్యకలాపాలను విస్తరించాలని నిర్ణయం తీసుకున్నాము.

శత్రు భూభాగంలో మన కమాండర్లు, సైనికులు పోరాడుతున్నారు. అయితే తమ ప్రభుత్వం, ప్రజలు తమ వెంట ఉన్నారని వారికి తెలుసునని నెతన్యాహు అన్నారు. నేను మన సైనికులను కలిశాను. మన సైన్యం అద్భుతమైంది. ఇందులో చాలా మంది వీర సైనికులు ఉన్నారు. వీరంతా గెలవాలనే స్పూర్తితో ఉన్నారు. గాజాపై ఇజ్రాయెల్ దాడిలో మరణించిన వారి సంఖ్య ఇప్పుడు 7703 కు పెరిగింది, ఇప్పటివరకు 1400 మందికి పైగా ఇజ్రాయెల్ పౌరులు మరణించారు. గాజాలో యుద్ధం సుదీర్ఘంగా కొనసాగుతుంది. రాబోయే రోజుల్లో మరింత కష్టంగా ఉంటుంది. అయితే మేము దానికి సిద్ధంగా ఉన్నామని నెతన్యాహు చెప్పారు. ఇది మన స్వాతంత్ర్యానికి సంబంధించిన రెండవ యుద్ధం. మా మాతృభూమిని కాపాడుకోవడానికి పోరాడతాం. వెనక్కి తగ్గేది లేదు. మేము భూమి, సముద్రం, గాలిపై పోరాడతాము. మేము భూమిపై నుండి భూమి లోపల నుండి శత్రువును నాశనం చేస్తాము. హమాస్ చేతిలో బందీలుగా ఉన్న 200 మంది పౌరులను రక్షించేందుకు అన్ని విధాలా కృషి చేస్తామని ఆయన ప్రసంగించారు.

Read Also:Chiyaan 62 : విక్రమ్ 62 వ మూవీ అనౌన్స్‌మెంట్.. వీడియో మాములుగా లేదుగా..

హమాస్ చేతిలో బందీలుగా ఉన్న పౌరుల కుటుంబాలను నేను కలిశాను. ఆయనను కలిసిన తర్వాత నా గుండె నొప్పిగా ఉంది. మన సోదర సోదరీమణులను తిరిగి తీసుకురావడానికి అన్ని విధాలా కృషి చేస్తామని వారికి చెప్పాను. వారి కిడ్నాప్ మానవత్వానికి వ్యతిరేకంగా చేసిన నేరం. మన సైనికులపై యుద్ధ నేరాలకు పాల్పడ్డారని ఆరోపించే సాహసం చేసే వారు ఏమాత్రం నైతికత లేని కపటవాదులు. శత్రువుల ఉన్మాదానికి హద్దులు లేవని నెతన్యాహు అన్నారు. మనుషులను కవచాలుగా మార్చి ఆసుపత్రులను టెర్రరిస్టు కమాండ్ సెంటర్లుగా మార్చడం ద్వారా యుద్ధ నేరాలకు పాల్పడుతున్నారు. ఏ దేశమైనా రెండు రకాల అవకాశాలను ఎదుర్కొనే సందర్భాలు కొన్ని ఉంటాయని స్పష్టం చేయాలనుకుంటున్నామని ఆయన అన్నారు. విజయమో వీర స్వర్గమో. ఇప్పుడు మేము దానిని ఎదుర్కొంటున్నాము. అది ఎలా ముగుస్తుందనే సందేహం లేదు. అయితే దీన్ని పూర్తి చేసి కచ్చితంగా గెలుస్తాం.

గాజాలో బందీలుగా ఉన్న ఇజ్రాయెల్ పౌరుల కుటుంబాలను నెతన్యాహు మరియు అతని భార్య సారా కలుసుకున్నారు. బందీల విడుదల మన సైన్యం లక్ష్యాలలో అంతర్భాగమని ఆయన అన్నారు. ఒత్తిడి విజయానికి మంత్రం. మనం ఎంత ఒత్తిడిని సృష్టిస్తామో, గెలిచే అవకాశాలు అంతగా పెరుగుతాయి. గాజాలో బందీలుగా ఉన్న వ్యక్తుల కుటుంబాలను నెతన్యాహు రెండోసారి కలుసుకున్నారు. ఈ సందర్భంగా నెతన్యాహు భార్య సారా బాధిత కుటుంబ సభ్యులను కౌగిలించుకుని ఓదార్చారు. ఈ విడుదలకు అన్ని విధాలా కృషి చేస్తామన్నారు. ఈ బందీలను విడుదల చేయడమే మా సైన్యం ప్రధాన లక్ష్యం. అక్టోబర్ 7 దాడి సమయంలో హమాస్ ఇజ్రాయెల్, ఇతర దేశాల నుండి పిల్లలతో సహా 200 మందికి పైగా బందీలుగా ఉన్నారు. అయితే, హమాస్ ఇప్పటివరకు నలుగురు బందీలను విడుదల చేసింది.

Read Also:Vastu : లక్ష్మీ దేవి అనుగ్రహం పొందాలంటే..ఇంట్లో ఇవి అస్సలు చెయ్యకండి..

అక్టోబర్ 7న, గాజా స్ట్రిప్ నుండి 5 వేలకు పైగా రాకెట్లను ప్రయోగించడం ద్వారా హమాస్ ఇజ్రాయెల్‌పై దాడి చేసింది. ఇది జరిగిన వెంటనే ఇజ్రాయెల్ ప్రధాని బెంజమిన్ నెతన్యాహు హమాస్‌పై యుద్ధం ప్రకటించారు. ఈ రెండు వారాల యుద్ధంలో గాజా స్ట్రిప్ పూర్తిగా ధ్వంసమైంది. హమాస్ దాడుల్లో ఇప్పటివరకు 1,400 మందికి పైగా ఇజ్రాయెల్ పౌరులు మరణించారు. హమాస్ యోధులు 200 మందికి పైగా పౌరులను బందీలుగా పట్టుకున్నారు. ఇజ్రాయెల్ బాంబు దాడిలో 50 మందికి పైగా బందీలు మరణించారని హమాస్ పేర్కొంది. ఈ యుద్ధంలో మృతుల సంఖ్య 9000 దాటింది.