Sujana Chowdary: విజయవాడ పశ్చిమ నియోజకవర్గ ప్రజల కోసం కష్టపడి పని చేస్తా..

విజయవాడ పశ్చిమ నియోజకవర్గం బీజేపీ పార్టీ కార్యాలయంలో ఎమ్మెల్యే అభ్యర్థి సుజనా చౌదరి ఆధ్వర్యంలో ఉగాది శ్రవణం కార్యక్రమం నిర్వహించారు. ఈ సందర్భంగా ఆయన మాట్లాడుతూ.. ప్రపంచంలో ఉన్న తెలుగు వారి అందరికి ఉగాది శుభాకాంక్షలు తెలిపారు. ఆంధ్రప్రదేశ్ రాష్ట్ర ప్రజలు, పశ్చిమ నియోజకవర్గ ప్రజలు ఆయురారోగ్యాలతో సుఖ సంతోషాలతో ఉండాలని ఆ భగవంతుడునీ కోరుకున్నాను అని ఆయన చెప్పుకొచ్చారు. ఇక, పశ్చిమ నియోజకవర్గం ప్రజల కోసం కష్టపడి పని చేస్తాను అని చెప్పారు. ప్రజలు దగ్గర నుంచి రెస్పాన్స్ బాగా వస్తుంది.. అనేక మౌలిక సదుపాయాలు చేయవలసిన అవసరం ఉంది ఈ నియోజకవర్గంలో అని బీజేపీ ఎమ్మెల్యే అభ్యర్థి సుజనా చౌదరి పేర్కొన్నారు.

Read Also: Suspension: ఒకేసారి 106 మంది ప్రభుత్వ సిబ్బంది పై సస్పెన్షన్ వేటేసిన సిద్దిపేట కలెక్టర్..!

విజయవాడ వెస్ట్ నుంచి పోటీ చేయడం నాకు మంచి అవకాశం అని బీజేపీ ఎమ్మెల్యే అభ్యర్థి సుజనా చౌదరి అన్నారు. నా దృష్టికి ఏ సమస్య వచ్చిన నేను ఆ సమస్య ను పరిష్కారం చేస్తాను ఆ నమ్మకం నాకు ఉంది.. కేంద్ర- రాష్ట్ర ప్రభుత్వాల్లో నాకున్న నెట్వర్క్ పరిజ్ఞానంతో పశ్చిమ నియోజకవర్గాన్ని ఇంకా అభివృద్ధి చేయడానికి కృషి చేస్తాను అని పేర్కొన్నారు. ఈ ఎన్నికల్లో ఏపీలో ఎన్డీయే కూటమి విజయం సాధిస్తుందన్నారు. ఏపీ ప్రజల సంక్షేమానికి కేంద్రంలోని బీజేపీ ప్రభుత్వం ఎప్పటికి కట్టుబడి ఉందని సుజనా చౌదరి తెలిపారు.