Naga Chaitanya Wedding Card: డిసెంబర్ 4న జరగబోయే వివాహ కార్యక్రమానికి సంబంధించి అక్కినేని ఇంట్లో పెళ్లి పనుల హడావిడి మొదలైంది. స్వర్గీయ అక్కినేని నాగేశ్వరరావు మనవడు, కింగ్ అక్కినేని నాగార్జున పెద్ద కుమారుడు యువసామ్రాట్ అక్కినేని నాగచైతన్య డిసెంబర్ 4న శోభిత దూళిపాళ్లతో పెళ్లి పీటలు ఎక్కనున్నాడు. ఇకపోతే, ఈ వివాహానికి సంబంధించిన శుభలేఖలను పంచడం మొదలుపెట్టింది అక్కినేని కుటుంబం. దేశవ్యాప్తంగా ఉన్న సినిమా ఇండస్ట్రీ, రాజకీయ నాయకుల ప్రముఖులను అలాగే బంధుమిత్రులను వివాహానికి తప్పకుండా రావాలని అక్కినేని కుటుంబం ఆహ్వానిస్తుంది. ప్రస్తుతం నాగచైతన్య, శోభితల వివాహ ఆహ్వాన పత్రిక సోషల్ మీడియాలో తెగ వైరల్ అవుతుంది.
Also Read: Rajnath Singh: కోటి దీపోత్సవ ప్రభ మాటలకందని విధంగా ఉంది..
ఇక పెళ్లి కార్డులో నాగచైతన్య నానమ్మ అన్నపూర్ణ, తాతయ్య నాగేశ్వరరావు అలాగే.. అమ్మమ్మ రాజేశ్వరి, తాతయ్య రామానాయుడుల ఆశీస్సులతో ఈ వివాహం జరుపుతున్నట్లుగా పేర్కొన్నారు. ముహూర్తం విషయానికి వస్తే.. డిసెంబర్ 4వ తేదీన రాత్రి 8:13 గంటలకు లక్ష్మి శోభతో నాగచైతన్య వివాహం జరుగుతుందని, అన్నపూర్ణ స్టూడెంట్స్ ఇందుకు వేదిక కాబోతున్నట్లు నాగార్జున – అమల దంపతులు, లక్ష్మీ – శరత్ దంపతులు తెలిపారు. ఇకపోతే ఈ శుభలేఖను బాగా గమనిస్తే అందులో ఒక్కరి పేరు దగ్గర కూడా ఇంటిపేరు ముద్రించలేదు.
