Naa Saami Ranga : నా సామి రంగా పాటల సందడి మొదలైందిగా..
- Follow Us :
-
-
Add as a preferred
source on google
టాలీవుడ్ స్టార్ హీరో అక్కినేని నాగార్జున నటిస్తున్న లేటెస్ట్ చిత్రం నా సామి రంగ. ఈ సినిమాను విజయ్ బిన్ని దర్శకత్వం వహిస్తున్నాడు. రీసెంట్ గా విడుదలయిన నా సామి రంగ ఫస్ట్ లుక్ మరియు టైటిల్ గ్లింప్స్ వీడియో ఇప్పటికే నెట్టింట బాగా వైరల్ అయింది..సినిమాపై మరింత ఆసక్తిని పెంచేసింది.ఇదిలా ఉంటే ఈ చిత్రం నుంచి తాజాగా మరో అప్డేట్ వచ్చింది. ప్రస్తుతం నా సామి రంగ మ్యూజిక్ సిట్టింగ్స్ కొనసాగుతున్నాయి. నాటు నాటు సాంగ్తో గ్లోబల్ వైడ్ గా పాపులరిటి సాధించి ఆస్కార్స్ విన్నర్స్గా నిలిచిన మ్యూజిక్ కంపోజర్ ఎంఎం కీరవాణి, పాటల రచయిత చంద్రబోస్ ఈ సినిమా కోసం మళ్లీ కలిసి పనిచేయబోతున్నారు. ఈ ఇద్దరి కాంబోలో ఓ పాట రెడీ అవుతుందని సమాచారం.
నాగార్జున, కీరవాణితో కలిసి దిగిన ఫొటోను చంద్రబోస్ షేర్ చేయగా.. నెట్టింట ఆ పిక్ వైరల్ అవుతోంది. సెన్సేషనల్ ఆల్బమ్ గ్యారంటీ.. అంటూ ఈ చిత్రాన్ని 2024 సంక్రాంతి కానుకగా విడుదల చేస్తున్నట్టు ఆయన తెలియజేశారు.ఈ సినిమాలో నాగార్జునను ఇప్పటివరకు చూడని విధంగా మాస్ అవతార్లో సరికొత్తగా చూపించబోతున్నట్టు ఫస్ట్ లుక్తోనే క్లారిటీ ఇచ్చేశాడు డైరెక్టర్. గతంలో సంక్రాంతి బరిలో నిలిచిన బంగార్రాజు సూపర్ హిట్గా నిలిచింది. ఇప్పుడు మరోసారి ఇదే సీజన్లో వస్తుండటంతో సినిమా పై అంచనాలు భారీగానే ఉన్నాయి. ఈ చిత్రాన్ని శ్రీనివాస సిల్వర్ స్క్రీన్ బ్యానర్పై శ్రీనివాసా చిట్టూరి నిర్మిస్తున్నారు.అదిరిపోయే యాక్షన్ ఎపిసోడ్తో నా సామి రంగ షూటింగ్ షురూ అయిందని వరుస అప్డేట్స్ వచ్చేశాయి. ఈ సినిమాకు ఎంఎం కీరవాణి అదిరిపోయే ఆల్బమ్ అందించనున్నారు… పవన్ కుమార్ సమర్పణలో వస్తున్న ఈ చిత్రానికి ప్రసన్నకుమార్ బెజవాడ కథ అందిస్తున్నాడు. కొరియోగ్రాఫర్ విజయ్ బిన్ని నా సామి రంగ సినిమాతో డైరెక్టర్గా పరిచయం అవుతున్నారు..మరీ ఈ సంక్రాంతికి నాగార్జున మరో హిట్ అందుకుంటారో లేదో చూడాలి..