Mudragada Padmanabham: జనసేనాని పవన్ కల్యాణ్‌పై ముద్రగడ ఫైర్
- Follow Us :
-
-
Add as a preferred
source on google
Mudragada Padmanabham: జనసేన అధినేత పవన్ కల్యాణ్‌పై ముద్రగడ పద్మనాభం ఫైర్ అయ్యారు. హైదరాబాద్, విజయవాడలో ఉన్న ఆస్తులు అమ్మేసి పిఠాపురం వచ్చేయమనండి.. అప్పుడు గౌరవం ఇస్తామని ఆయన అన్నారు. చంద్రమండలం, సూర్య మండలం నుంచి ప్రజా సమస్యలు పరిష్కరిస్తాడా అంటూ ముద్రగడ ఎద్దేవా చేశారు. పిఠాపురంలో ఎవరి దగ్గరైనా పోటీ చేసే వ్యక్తి ఫోన్ నెంబర్ ఉందా అంటూ ప్రశ్నించారు. పిఠాపురంలో పోటీ చేసే ప్రముఖ నటుల మాటలు వింతగా ఉన్నాయన్నారు.
షూటింగ్‌లో ఉండే పిచ్చి మహారాజుకి ఎమ్మెల్యే పదవి ఎందుకు అని ప్రశ్నించారు. వారికున్న అమ్ముడుపోయే జబ్బు అందరికీ ఉందనుకుంటున్నారని విమర్శించారు. పచ్చకామెర్ల వాడికి లోకమంతా పచ్చగా కనిపిస్తుందన్నారు. ముఖ్యమంత్రిని పాతేస్తానంటున్నాడు.. ఎవరైనా అయితే కాలు చేయి తీసేస్తారని అంటున్నారని పవన్ కల్యాణ్‌పై ముద్రగడ మండిపడ్డారు. పిఠాపురంకు స్వచ్ఛమైన లిక్కర్ సప్లై చేస్తాడా అంటూ ఆయన ఎద్దేవా చేశారు. 20 సీట్లు బిక్ష తీసుకున్నాడు.. అవి కూడా ఇచ్చేస్తే త్యాగరాజు అని పద్మశ్రీ ఇస్తారని విమర్శలు గుప్పించారు.