తెలుగు ప్రేక్షకులకు మృణాల్ అంటే కేవలం ఒక హీరోయిన్ మాత్రమే కాదు, మన ఇంటి అమ్మాయిలాంటి ‘సీత’. దుల్కర్ సల్మాన్ తో చేసిన ‘సీతారామం’ సినిమా ఆమె కెరీర్ను ఒక్కసారిగా మార్చేసింది. ఆ సినిమాలో సీతగా ఆమె చూపించిన అభినయం, సౌందర్యం తెలుగు వారిని మంత్రముగ్ధులను చేశాయి. ఆ తర్వాత నానితో ‘హాయ్ నాన్న’ వంటి క్లాసిక్ హిట్స్ అందుకుని టాలీవుడ్లో తిరుగులేని క్రేజ్ సంపాదించుకుంది. భాషా బేధం లేకుండా తెలుగు, హిందీ, మరాఠీ భాషల్లో వరుస విజయాలు అందుకుంటున్న మృణాల్, ఇటీవలే ‘సన్ ఆఫ్ సర్దార్ 2’తో 2025కి విజయవంతంగా వీడ్కోలు పలికింది. ఇక వచ్చే ఏడాది వరుస ప్రాజెక్టులతో బాక్సాఫీస్పై దండయాత్రకు సిద్ధమవుతోంది. తాజాగా ఇచ్చిన ఓ ఇంటర్వ్యూలో మృణాల్ మాట్లాడుతూ..
Also Read : Swayambhu : నిఖిల్ ‘స్వయంభు’ కోసం ఎన్టీఆర్ ఎంట్రీ..?
తనకు సినిమాల విషయంలో ముందుగానే పక్కాగా ప్లాన్ చేసుకోవడం ఇష్టమని, ముఖ్యంగా తనను ప్రాణంలా ఆరాధించే తెలుగు అభిమానులను ఎట్టి పరిస్థితుల్లోనూ నిరాశపరచకూడదనే పట్టుదలతో ఉన్నట్లు స్పష్టం చేసింది. బాలీవుడ్ తనకు కంఫర్ట్ జోన్ అయినప్పటికీ, నటిగా సరిహద్దులు దాటి కొత్త సవాళ్లను స్వీకరించడమే తన అసలైన ఇష్టమని ఆమె చెప్పుకొచ్చింది. అంతే కాదు
ప్రస్తుతం ఈ ముద్దుగుమ్మ.. హిందీ చిత్రం ‘దో దీవానే సెహెర్ మే’ , మరొకటి అడివి శేష్తో కలిసి నటిస్తున్న క్రేజీ తెలుగు ప్రాజెక్ట్ ‘డెకాయిట్’.. ఈ రెండు సినిమాలను ఏకధాటిగా చిత్రీకరించడం చాలా సవాలుతో కూడుకున్న పని అని, అయితే తన కలలను నిజం చేయడంలో సహకరించిన దర్శకనిర్మాతలకు ఆమె కృతజ్ఞతలు తెలిపింది. ఒకే సమయంలో రెండు వేర్వేరు భాషా చిత్రాలలో నటించడం కష్టమైనా, ఆ వైవిధ్యమే తనకు సంతృప్తినిస్తుందని మృణాల్ పేర్కొంది. మొత్తానికి సీతగా మెప్పించిన ఈ భామ, రానున్న సినిమాలతో మరింతగా వెలుగు వెలగడం ఖాయంగా కనిపిస్తోంది.
