Minister Ambati Rambabu: పవన్ ఏకపత్నీవ్రతుడు.. ఏక కాలంలో ఒక పత్నీనే ఉంటుంది..!

Minister Ambati Rambabu: జనసేన అధినేత పవన్‌ కల్యాణ్‌, వైసీపీ నేతల మధ్య మాటల యుద్ధం నడుస్తూనే ఉంది.. పవన్‌లా మేం మూడు, నాలుగు పెళ్లిళ్లు చేసుకోలేమంటూ సీఎం జగన్‌ నుంచి మంత్రులు, వైసీపీ నేతలు ఘాటుగా మాట్లాడితే.. అసలు నా పెళ్లిళ్ల గురించి మీకెందుకు..? వ్యవస్థ గురించి ఆలోచించండి అంటూ సలహా ఇచ్చారు పవన్‌ కల్యాణ్‌.. అయితే, పవన్‌ వ్యాఖ్యలపై సెటైర్లు వేశారు మంత్రి అంబటి రాంబాబు.. పవన్ కల్యాణ్‌కు మల్టిపుల్ పర్సనాలిటీ డిజార్డర్ సమస్య ఉంది.. ఎవరైనా చికిత్స చేసేవారు ఉంటే ముందుకు రావాలన్న ఆయన.. ముందుకు వచ్చేవారికి ఒక కేసు స్టడీకి పనికొస్తుందని సలహా ఇచ్చారు.. ఇక, పెళ్లిళ్ల గురించి మాట్లాడితే పవన్ కల్యాణ్‌కు కోపం వచ్చి ఊగిపోయాడు.. పవన్ ఏకపత్నీవ్రతుడు.. ఏక కాలంలో ఒక పత్నీనే ఉంటుంది.. ఇది బాగుందా? అని ప్రశ్నించాడు.

Read Also: Sai Dharam Tej: వివాదంలో మెగా మేనల్లుడు… ఇలా చిక్కుల్లో పడ్డావ్ ఏంటి ‘బ్రో’…

ఇక, మర్యాదలకు మారుపేరుగా ఉన్న గోదావరి జిల్లాల్లో పవన్‌ కల్యాణ్‌ చాలా మర్యాదగా మాట్లాడారు.. మళ్లీ ఎప్పుడు వస్తారు ? అని ప్రశ్నించారు అంబటి రాంబాబు.. ఇదే సమయంలో లెక్కలు తేలకుండా రారులేండి అని సెటైర్లు వేశారు. మరోవైపు.. పవన్‌ కల్యాణ్‌ తన స్పీచ్ లో 373 సార్లు జగన్ పేరును ఉచ్చరించాడు.. వెయ్యి సార్లు జగన్ పేరు ఉచ్చరించటం పూర్తి చేస్తే పవన్ కల్యాణ్‌ పాపాలు కొన్ని అయినా కొట్టుకుపోతాయని సలహా ఇచ్చారు. ఇక, బందరు వెళ్లి చెప్పులు వెతుక్కుంటే మంచిది అని సూచించారు. రాష్ట్రంలో హిందూ ధర్మ రక్షణకు వచ్చిన వ్యక్తి పవన్‌ కల్యాణ్‌ అట.. దేవుడు దగ్గర పెట్టిన దీపంతో సిగరెట్ ముట్టించుకున్న కానిస్టేబుల్ కొడుకు హిందూ ధర్మ రక్షణకు వచ్చాడట అంటూ ఘాటు వ్యాఖ్యలు చేశారు మంత్రి అంబటి రాంబాబు.