MEGA 158 : చిరు – బాబీ ‘కాకాజీ’.. ఫైనలా?

‘వాల్తేరు వీరయ్య’ వంటి బ్లాక్ బస్టర్ తర్వాత.. మెగాస్టార్ చిరంజీవి, దర్శకుడు బాబీ కాంబినేషన్‌లో మరో సెన్సేషనల్ మాస్ ప్రాజెక్ట్ సిద్ధమవుతోంది. మెగా 158 వర్కింగ్ టైటిల్‌తో ఈ సినిమా షూటింగ్ త్వరలోనే మొదలు కానుంది. అయితే, ఈ చిత్రానికి ‘కాకాజీ’ అనే పవర్‌ఫుల్ టైటిల్‌ను పరిశీలిస్తున్నట్లు సమాచారం. గతంలో కాకాజీతో పాటు కాకా అనే టైటిల్ కూడా వినిపించగా.. లేటెస్ట్‌గా కాకాజీ ఆల్మోస్ట్ ఫైనల్ అయిందనే వార్తలు సోషల్ మీడియాలో వైరల్ అవుతున్నాయి. అలాగే, ఈ సినిమాలో బాలీవుడ్ సీనియర్ స్టార్ అనిల్ కపూర్ ఒక కీలక పాత్రలో నటించబోతున్నట్టుగా తెలుస్తోంది.

Also Read : Vijay Devarakonda : సినిమాలు ఫుల్.. హిట్స్ నిల్.. ఈసారి హిట్ కొట్టకుంటే కష్టమే

కానీ, ఈ చిత్రంలో చిరంజీవి గతంలో ఎన్నడూ చూడని లుక్‌లో కనిపించబోతున్నారట. బాబీ స్క్రిప్ట్ ప్రకారం, ఇందులో కేవలం యాక్షన్ మాత్రమే కాకుండా, బలమైన ఫ్యామిలీ ఎమోషన్స్ కూడా ఉంటాయని తెలుస్తోంది. మెగాస్టార్ బాడీ లాంగ్వేజ్‌కు తగ్గట్టుగా, మాస్ ఆడియన్స్‌ను ఉర్రూతలూగించే డైలాగ్స్ మరియు యాక్షన్ సీక్వెన్స్‌లతో స్క్రిప్ట్‌ సిద్ధం చేశాడట బాబీ. స్క్రిప్ట్ విషయంలో చిరంజీవి కూడా చాలా కాన్ఫిడెంట్‌గా ఉన్నట్లు సమాచారం. ‘వాల్తేరు వీరయ్య’తో చిరంజీవిలోని మాస్ యాంగిల్‌ను పర్ఫెక్ట్‌గా ప్రెజెంట్ చేసిన బాబీ, ఈసారి ‘కాకాజీ’తో ఆ డోస్‌ను మరింత పెంచబోతున్నారట. ముఖ్యంగా క్లైమాక్స్‌లో వచ్చే ఒక భారీ ట్విస్ట్ సినిమాకే హైలైట్‌గా నిలుస్తుందని, చిరంజీవి-అనిల్ కపూర్ మధ్య వచ్చే సీన్స్ థియేటర్లలో ‘పూనకాలు’ తెప్పిస్తాయని టాక్ వినిపిస్తోంది. KVN ప్రొడక్షన్స్ ఈ చిత్రాన్ని అత్యంత భారీ బడ్జెట్‌తో, ఎక్కడా కాంప్రమైజ్ కాకుండా నిర్మిస్తోంది.