Bhubaneswar: తల్లి ముందే తండ్రిని చంపిన లా కాలేజీ ప్రొఫెసర్

భువనేశ్వర్‌లో దారుణం జరిగింది. కన్నతల్లి ఎదుటే తండ్రిని హతమార్చాడు కొడుకు. ఆర్థిక తగాదాలే హత్యకు కారణంగా పోలీసులు తెలిపారు. కేసు నమోదు చేసుకున్న పోలీసులు అసిస్టెంట్ ప్రొఫెసర్ అనిరుధా చౌదరిని అరెస్ట్ చేశారు. అనిరుధా భువనేశ్వర్‌లోని ఓ ప్రైవేటు లా కాలేజీలో అసిస్టెంట్ ప్రొఫెసర్‌గా పని చేస్తున్నాడు. బుధవారం తెల్లవారుజామున తల్లి ఎదుటే ఈ ఘోరం జరిగింది.

ఇది కూడా చదవండి: T20 ICC Rankings : ‘ టాప్ ‘ లేపిన హార్దిక్.. మరోవైపు బుమ్రా, అర్ష్‌దీప్‌ సింగ్..?

బాధితుడు రిటైర్ట్ అధికారి సునీల్ చౌదరిగా గుర్తించారు. ఛాతీ, పొట్టపై కత్తితో పలుమార్లు పొడిచినట్లుగా భువనేశ్వర్ డీసీపీ ప్రతీక్ సింగ్ తెలిపారు. అనిరుధా తన భార్యతో వివాదం కారణంగా.. మంచేశ్వర్ పోలీస్ స్టేషన్ పరిధిలోని కలరాహంగా ప్రాంతంలోని అపార్ట్‌మెంట్‌లో తల్లిదండ్రులతో కలిసి ఉంటున్నట్లు పోలీసులు తెలిపారు. కొంతకాలంగా ఆస్తి తగాదాల గొడవలు జరుగుతున్నాయి. ఈ నేపథ్యంలోనే హత్య జరిగినట్లుగా భావిస్తున్నారు. సంఘటనాస్థలికి చేరుకున్న పోలీసులు.. బాధితుడ్ని ఆస్పత్రికి తరలించే లోపే ప్రాణాలు వదిలాడు. ఫోరెన్సిక్ నిపుణులు ఆధారాలు సేకరించి.. పోస్టుమార్టానికి తరలించారు. తండ్రితో ఆర్థిక తగాదాలు ఉన్నట్లుగా పోలీసులు గుర్తించారు.

ఇది కూడా చదవండి: Indonesia: మహిళను మింగిన కొండచిలువ.. భర్త ఏం చేశాడంటే..!