Minister KTR : కేసీఆర్ తెలంగాణ కోహ్లి

ఎన్నికల ఫలితాలను ప్రస్తావిస్తూ, నవంబర్ 30న కేసీఆర్ సినిమా బ్లాక్ బస్టర్ హిట్ అవుతుందని ఐటీ శాఖ మంత్రి కేటీఆర్ మంగళవారం అన్నారు. దక్షిణాఫ్రికాపై భారత బ్యాట్స్‌మెన్ విరాట్ కోహ్లీలా బీఆర్‌ఎస్ సెంచరీ కొడుతుందని కేటీఆర్ విశ్వాసం వ్యక్తం చేశారు. వేములవాడ నియోజకవర్గంలో కార్యకర్తల సమావేశంలో ఆయన పాల్గొన్నారు. ఈ సందర్భంగా కేటీఆర్ మాట్లాడుతూ.. కాంగ్రెస్ సినిమాకు కన్నడ నిర్మాత, ఢిల్లీ దర్శకుడు, గుజరాత్ నటుడు ఉన్నారని, అందుకే సినిమా అట్టర్ ఫ్లాప్ కావడం ఖాయమని అన్నారు. మన తెలంగాణ కథ, స్క్రీన్‌ప్లే, దర్శకత్వం అన్నీ కేసీఆర్‌దే కాబట్టి బ్లాక్‌బస్టర్ హిట్ ఖాయం. తెలంగాణను ఎవరు నడిపిస్తారో తేల్చాల్సింది ప్రధాని మోడీ, కాంగ్రెస్ అధినేత రాహుల్ గాంధీ కాదని, తెలంగాణ ప్రజలు నిర్ణయించాలన్నారు.

Also Read : Shakib Al Hasan: నా జట్టు గెలుపు కోసం ఏమైనా చేయాలనిపించింది.. మాథ్యూస్‌ టైమ్డ్‌ ఔట్‌పై షకిబ్‌!

ఏ నియోజకవర్గంలో తమ పార్టీ తరపున పోటీ చేసినా కేసీఆర్ గానే భావించాలన్నారు. ఎదుటి పార్టీకి ఓటేస్తే అది ఢిల్లీకి, గుజరాత్‌కు వెళ్తుంది. వేములవాడకు పరిశ్రమలు రావాలంటే బీఆర్‌ఎస్ అభ్యర్థిని అధిక మెజార్టీతో గెలిపించాలన్నారు. మెజార్టీ విషయంలో సిరిసిల్లతోనే పోటీ చేయాలని సూచించారు. ఇందిరాగాంధీ సిక్స్ పాయింట్ ఫార్ములాను తుంగలో తొక్కి ఇప్పుడు మనవడు రాహుల్ గాంధీ ఇష్టానుసారంగా మాట్లాడుతున్నారన్నారు. తెలంగాణకు వచ్చి ఆరు హామీలు అడిగానని, నవంబర్ 30న కేసీఆర్ చేత తెలంగాణ సిక్స్ కొడుతుందని కేటీఆర్ అన్నారు. కోహ్లీ సెంచరీ కొట్టినట్లు కేసీఆర్‌ సెంచరీ కొడతారని అన్నారు. 100 సీట్లతో తెలంగాణలో మళ్లీ బీఆర్ఎస్ ప్రభుత్వం ఏర్పడడం ఖాయమని స్పష్టం చేశారు.

Also Read : Bus Accident: విజయవాడ బస్సు యాక్సిడెంట్ పై నివేదిక