Jana Nayagan Release Date: దళపతి విజయ్ నటిస్తున్న అత్యంత ప్రతిష్టాత్మక చిత్రం ‘జన నాయగన్’. గత కొన్ని వారాలుగా సెన్సార్ బోర్డు అభ్యంతరాలు, పొలిటికల్ డైలాగుల వివాదంతో ఈ సినిమా విడుదలపై సందిగ్ధత నెలకొన్న సంగతి తెలిసిందే. తాజా సమాచారం ప్రకారం ఈ సినిమా ఎట్టకేలకు విడుదలకు సిద్ధమైంది. ఫిబ్రవరి 20న ఈ సినిమాను ప్రపంచవ్యాప్తంగా భారీ స్థాయిలో విడుదల చేయడానికి మేకర్స్ ప్లాన్ చేస్తున్నారు. తాజాగా చిత్ర యూనిట్ సెన్సార్ బోర్డుకు కొత్త వెర్షన్ను సమర్పించి, కోర్టు కేసులను ఉపసంహరించుకోవాలని నిర్ణయించిందని సినీ సర్కిల్లో జోరుగా ప్రచారం జరుగుతుంది.
READ ALSO: Best Rose Day Wishes in Telugu : మీ లవర్కి రోజ్ డే విషెస్ ఇలా చెప్పండి.. మనసు గెలుచుకోండి.!
హెచ్. వినోద్ దర్శకత్వంలో తెరకెక్కిన ఈ చిత్రంలో దళపతి విజయ్ హీరోగా నటిస్తున్నారు. ఆయన పూర్తిస్థాయి రాజకీయాల్లోకి వెళ్లేముందు చేస్తున్న చివరి సినిమా కావడంతో ఈ చిత్రంపై భారీ అంచనాలు ఆకాశాన్ని ఉన్నాయి. ఈ సినిమాకు అనిరుధ్ అందించిన బీజీఎం, విజయ్ పవర్ఫుల్ పొలిటికల్ స్పీచ్లు హైలెట్గా నిలవనున్నాయని టాక్. ఈ చిత్రంలో బాలీవుడ్ నటుడు బాబీ డియోల్ విలన్గా నటిస్తుండగా, పూజా హెగ్డే హీరోయిన్గా కనిపిస్తోంది. మమితా బైజు కీలకపాత్రలో కనిపించనుంది. ఈ చిత్ర డిజిటల్ రైట్స్ను అమెజాన్ ప్రైమ్ వీడియో రూ.121 కోట్లకు, శాటిలైట్ హక్కులను జీ తమిళ్ రూ.64 కోట్లకు సొంతం చేసుకున్నాయని సమాచారం. ప్రస్తుతం ఈ చిత్రంపై నెలకున్న వివాదం పరిష్కారమైతే, ఫిబ్రవరి 20న సినిమా థియేటర్లలోకి రావడం ఖాయంగా కనిపిస్తుంది.
READ ALSO: Easy & Healthy Paneer Tikka Chapati: పిల్లలకి చపాతీ రోల్ ఇలా చేసి పెట్టారంటే రోజూ ఇదే కావాలంటారు..
