Kakarakaya Vepudu: అన్నంలోకి ‘కాకరకాయ వేపుడు’.. ఇలా చేస్తే ప్లేట్ ఖాళీ అవ్వాల్సిందే.!
- Follow Us :
-
-
Add as a preferred
source on google
Kakarakaya Vepudu: సాధారణంగా కాకరకాయ అంటే చేదు అని చాలామంది తినడానికి ఇష్టపడరు. కానీ కొద్దిగా భిన్నంగా, ప్రత్యేకమైన మసాలా పొడితో కాకరకాయ కారాన్ని చేసుకుంటే అస్సలు చేదు అనిపించదు సరికదా.. పళ్ళ కింద కరకరలాడుతూ మంచి రుచినిస్తుంది. వేడివేడి అన్నంలో నెయ్యి వేసుకుని తింటే అద్భుతంగా ఉండే ఈ కాకరకాయ వేపుడు తయారీ విధానం, కావలసిన పదార్థాలు, నిల్వ చేసుకునే పద్ధతిని ఇప్పుడు వివరంగా చూద్దాం..
కావలసిన పదార్థాలు
* కాకరకాయలు: అర కిలో (1/2 kg)
* నూనె: డీప్ ఫ్రైకి సరిపడా
* పల్లీలు (వేరుశనగ గింజలు): అర కప్పు
* కరివేపాకు: ఒక గుప్పెడు
* ధనియాలు: 1 టేబుల్ స్పూన్
* జీలకర్ర: 1/2 టీస్పూన్
* నువ్వులు: 1/4 కప్పు
* ఎండు కొబ్బరి ముక్కలు: అర కప్పు కంటే కొద్దిగా తక్కువ
* కారం పొడి: 3 టీస్పూన్లు (రుచికి సరిపడా)
* పసుపు: 1/2 టీస్పూన్
* చింతపండు: కొద్దిగా
* వెల్లుల్లి రెమ్మలు: 10
* ఉప్పు: రుచికి తగినంత
Also Read
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
- Chanakya Niti: చెడ్డ కొడుకు కుటుంబానికి శాపం.. మంచి కొడుకు వంశానికి దీపం!
- Vastu Tips: ఇంట్లో పొరపాటున కూడా ఈ 3 మొక్కలను పెంచకండి.. దరిద్రం వెంటాడుతుంది!!
- Palak Paneer Pakoda Recipe: ఇంట్లోనే సింపుల్గా పాలక్ పనీర్ పకోడాలు.. తయారీ విధానం ఇదిగో!
తయారీ విధానం
కాకరకాయల ప్రాసెసింగ్ & కటింగ్
ముందుగా అర కిలో కాకరకాయలను శుభ్రంగా కడిగి ఆరబెట్టుకోవాలి. కాకరకాయల పైభాగంలో ఉండే గరుకు బుడుపులను లైట్ గా గీరి తొలగించాలి. ఆ తర్వాత వాటిని చక్రాల మాదిరిగా రౌండ్ షేప్లో కట్ చేసుకోవాలి. ముక్కలు మరీ లావుగా కాకుండా, అలాగని మరీ పల్చగా కాకుండా మీడియం సైజులో ఉండేలా చూసుకోవాలి. లోపల ఉండే గింజలు కావాలనుకుంటే అలాగే ఉంచుకోవచ్చు. గింజలతో వేయించుకుంటేనే వేపుడు మరింత రుచిగా, కరకరలాడుతూ ఉంటుంది.
ముక్కలు, పల్లీల డీప్ ఫ్రై
స్టవ్ వెలిగించి బాండీలో డీప్ ఫ్రైకి సరిపడా ఆయిల్ పోసి వేడి చేయాలి. ఆయిల్ వేడెక్కిన తర్వాత కట్ చేసుకున్న కాకరకాయ ముక్కలను మీడియం మంటపై రెండు దఫాలుగా వేయించుకోవాలి. ముక్కలు మంచి ఎరుపు రంగులోకి మారి క్రిస్పీగా వచ్చేంతవరకు వేయించి, ఆయిల్ నుండి తీసి ఒక వెడల్పాటి గిన్నెలో వేసుకోవాలి. ఆ తర్వాత అదే నూనెలో అర కప్పు పల్లీలను దోరగా వేయించి పక్కన ఉంచుకోవాలి. చివరగా గుప్పెడు కరివేపాకును కూడా క్రిస్పీగా వేయించి పక్కకు తీసుకోవాలి.
మసాలా పొడి తయారీ
మరొక చిన్న పాన్ తీసుకొని అందులో ఒక టేబుల్ స్పూన్ ధనియాలు, అర టీస్పూన్ జీలకర్ర వేసి దోరగా వేయించాలి. అవి వేగాక పావు కప్పు తెల్ల నువ్వులు వేసి చిటపటలాడే వరకు వేయించి స్టవ్ ఆఫ్ చేయాలి. తర్వాత మిక్సీ జార్లో మొదటగా వేయించిన పల్లీలను వేసి జస్ట్ ఒక్క పల్స్ ఇచ్చి కచ్చాపచ్చాగా గ్రైండ్ చేసుకోవాలి. ఇలా బరకగా ఉన్న పల్లీల పొడిని వేయించిన కాకరకాయ ముక్కలలో కలపాలి.
ఇప్పుడు అదే మిక్సీ జార్లో వేయించిన ధనియాలు-జీలకర్ర-నువ్వుల మిశ్రమం, ఎండు కొబ్బరి ముక్కలు, 3 టీస్పూన్ల కారం, రుచికి సరిపడా ఉప్పు, పసుపు, కొద్దిగా చింతపండు వేసి కాస్త బరకగా పొడి చేసుకోవాలి. చివరగా 10-15 వెల్లుల్లి రెమ్మలు కూడా వేసి మూడు నాలుగు సార్లు పల్స్ ఇచ్చి లైట్గా గ్రైండ్ చేసుకోవాలి.
సర్వింగ్
ఇలా సిద్ధం చేసుకున్న తాజా కారప్పొడిని, వేయించి ఉంచుకున్న కరివేపాకును కాకరకాయ ముక్కలు ఉన్న బౌల్లో వేయాలి. చేత్తో కొద్దిగా ఒత్తుతూ ముక్కలన్నింటికీ మసాలా, కారం బాగా పట్టేలా చక్కగా కలుపుకోవాలి. అంతే… ఎంతో సువాసనభరితమైన, కరకరలాడే కాకరకాయ కారం రెడీ. ఈ విధంగా తయారుచేసుకున్న కాకరకాయ వేపుడును పూర్తిగా చల్లారిన తర్వాత ఏదైనా శుభ్రమైన, గాలి చొరబడని గాజు సీసాలో భద్రపరుచుకుంటే 10 నుంచి 15 రోజుల వరకు ఎంతో తాజాగా, క్రిస్పీగా నిల్వ ఉంటుంది. అన్నంలోకి, సాంబార్ లేదా పప్పుచారుకు సైడ్ డిష్గా ఇది అద్భుతమైన కాంబినేషన్.
తాజావార్తలు
-
AP Panchayat Elections 2026: ఏపీలో పంచాయతీ ఎన్నికల సందడి.. నేటి నుంచి నామినేషన్ల స్వీకరణ ప్రారంభం!
-
Fire Accident: భారీ అగ్నిప్రమాదం.. 5 ప్రైవేట్ ట్రావెల్స్ బస్సులు దగ్ధం.!
-
Lalit Modi Becomes British Citizen: లలిత్ మోడీకి బ్రిటిష్ పౌరసత్వం.. ఇక యూకేనే శాశ్వత నివాసం!
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
Gaza Conflict: ఇజ్రాయెల్ డ్రోన్ దాడిలో.. హమాస్ కమాండర్ సమీర్ అబూ యూనిస్ హతం
ట్రెండింగ్
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి