కార్తిక మాసం శుభవేళ.. రోజుకో కల్యాణం, వాహనసేవ, పీఠాధిపతుల ప్రవచనాలు, ప్రముఖుల ఉపన్యాసాలతో ‘కోటి దీపోత్సవం’ దిగ్విజయంగా కొనసాగుతోంది. కోటి దీపోత్సవం వేళ హైదరాబాద్‌లోని ఎన్టీఆర్ స్టేడియం శివనామస్మరణతో మార్మోగిపోతోంది. రెండు తెలుగు రాష్ట్రాల నుంచి భక్తులు పెద్ద సంఖ్యలో తరలివచ్చి.. దీపాల పండుగలో పాల్గొని ఈ లోకాన్నే మరిచేలా పునీతులవుతున్నారు. భక్తి టీవీ ఆధ్వర్యంలో జరుగుతున్న కోటి దీపోత్సవం 2024లో ఇప్పటికే 11 రోజులు విజయవంతంగా ముగిసాయి.
కోటి దీపోత్సవంలో 12వ రోజు కార్యక్రమాలకు భక్తి టీవీ సిద్దమైంది. కార్తీక బుధవారం వేళ ఈరోజు జరిగే విశేష కార్యక్రమాలు ఏంటో తెలుసుకుందాం. నేడు పూజ్యశ్రీ విద్యాశంకర భారతి మహాస్వామీజీ, శ్రీ గోవిందానంద సరస్వతి స్వామీజీ అనుగ్రహ భాషణం చేయనున్నారు. బ్రహ్మశ్రీ డా.బాచంపల్లి సంతోష్ కుమార్ శాస్త్రి గారు ప్రవచనామృతం వినిపించనున్నారు. వేదికపై బాసర సరస్వతీదేవి మహాపూజ జరగనుంది. భక్తులచే జ్ఞానప్రదాయిని సరస్వతి పుస్తక పూజ చేయిస్తారు. శ్రీ భద్రకాళీభద్రేశ్వరుల (వరంగల్) కల్యాణం జరిపించనున్నారు. సింహ వాహన సేవ ఉంటుంది.
Also Read: Gold Rate Today: షాకిస్తున్న బంగారం ధరలు.. వరుసగా మూడోరోజు బాదుడే! హైదరాబాద్‌లో ఎంతుందంటే
పన్నెండవ రోజు విశేష కార్యక్రమాలు ఇవే:
# పూజ్యశ్రీ విద్యాశంకర భారతి మహాస్వామీజీ (మహాసంస్థానం పీఠాధిపతి, పుష్పగిరి), శ్రీ గోవిందానంద సరస్వతి స్వామీజీ (శ్రీ బాలకృష్ణ మహాసంస్థానం పీఠాధిపతి, తలకాడు) గారిచే అనుగ్రహ భాషణం
# బ్రహ్మశ్రీ డా.బాచంపల్లి సంతోష్ కుమార్ శాస్త్రి గారిచే ప్రవచనామృతం
# వేదికపై బాసర సరస్వతీదేవి మహాపూజ
# భక్తులచే జ్ఞానప్రదాయిని సరస్వతి పుస్తక పూజ
# శ్రీ భద్రకాళీభద్రేశ్వరుల (వరంగల్) కల్యాణం
# సింహ వాహన సేవ
