Kantara Chapter 1: తొలి వీకెండ్‌లోనే రికార్డులు బ్రేక్ చేసిన ‘కాంతార’.. ఏకంగా ఎన్ని కోట్లు కొల్లగొట్టిందంటే!
- రిషబ్ శెట్టి నటించిన కాంతార: చాప్టర్ 1 తొలి వీకెండ్‌లోనే 335 కోట్లు గ్రాస్ వసూళ్లు
- కేజీఎఫ్ 2 తర్వాత శాండల్ వుడ్‌లో అత్యధిక తొలి వీకెండ్ వసూళ్లు సాధించిన రెండో చిత్రం.
- కర్ణాటకలోనే కాకుండా తెలుగు, తమిళం, హిందీ, మలయాళం వెర్షన్లలో కూడా అద్భుత కలెక్షన్లు.
- ఆదివారం రోజున అత్యధిక సింగిల్ డే కలెక్షన్ నమోదు
- దీపావళి వరకు కూడా కలెక్షన్ల జోరు కొనసాగుతుందని ట్రేడ్ అంచనా.
- Follow Us :
-
-
Add as a preferred
source on google
Kantara Chapter 1: రిషబ్ శెట్టి (Rishab Shetty) లీడ్ రోల్ లో నటించిన తాజాచిత్రం ‘కాంతార: చాప్టర్ 1’ (Kantara: Chapter 1). ఈ సినిమా సూపర్ హిట్ టాక్ రావడంతో బాక్సాఫీస్ వద్ద కలెక్షన్ల వర్షం కురిపిస్తోంది. విడుదలైన తొలి వీకెండ్‌లోనే ఈ చిత్రం అద్భుతమైన వసూళ్లను నమోదు చేసింది. ఆదివారం రోజున, ఈ సినిమా తన అత్యధిక సింగిల్ డే కలెక్షన్‌ను సాధించి ట్రేడ్ వర్గాలను సైతం ఆశ్చర్యపరిచింది. ఈ సినిమా తాజాగా వచ్చిన నాలుగు రోజుల లాంగ్ వీకెండ్‌లో ఏకంగా 335 కోట్ల రూపాయల గ్రాస్ వసూళ్లు సాధించినట్లు అధికారికంగా పోస్టర్ రిలీజ్ అయ్యింది.
Sachin-Thaman: మాస్టర్ బ్లాస్టర్‌తో తమన్.. త్వరలో కలసి పనిచేస్తా అంటూ..
ఈ కలెక్షన్లతో కన్నడ సినీ పరిశ్రమ (Sandalwood) చరిత్రలో ‘కేజీఎఫ్ 2’ తర్వాత అత్యధిక తొలి వీకెండ్ వసూళ్లు సాధించిన రెండో అతిపెద్ద చిత్రంగా రికార్డు సృష్టించింది. ముఖ్యంగా కర్ణాటక రాష్ట్రంలో బాక్సాఫీస్ వద్ద భారీ వసూళ్లను కొల్లగొడుతుంది. ఈ చిత్రం కేవలం కన్నడ వెర్షన్ లో మాత్రమే కాకుండా.. తెలుగు, హిందీ, తమిళం, మలయాళం వెర్షన్లు కూడా చక్కటి వసూళ్లు సాధిస్తూ సంచనాలు సృష్టిస్తోంది. దైవత్వం, యాక్షన్ అంశాలు కలగలిపిన ఈ సినిమా రాబోయే దీపావళి పండుగ వరకు కూడా భారీ వసూళ్లు నమోదు చేస్తుందని ట్రేడ్ అనలిస్టులు అంచనా వేస్తున్నారు. విజయ్ కిరగందూర్ సారథ్యంలోని హోంబలే ఫిల్మ్స్ (Hombale Films) ఈ చిత్రాన్ని నిర్మించింది. రిషబ్ శెట్టితో పాటు రుక్మిణి వసంత్, గుల్షన్ దేవయ్య, జయరామ్ వంటి ప్రముఖ నటీనటులు కీలక పాత్రల్లో నటించారు. ఈ చిత్రానికి అజనీష్ లోక్‌నాథ్ సంగీతం అందించారు.