Kallakkadal Phenomenon: కేరళ, తమిళనాడులను భయపెడుతున్న ‘‘కల్లక్కడల్’’

Kallakkadal Phenomenon: కేరళ, తమిళనాడు తీర ప్రాంతాలను ‘‘కల్లక్కడల్ ఫినామినా’’ భయపెడుతోంది. కేరళలోని మొత్తం తీర ప్రాంతాలు, తమిళనాడులోని దక్షిణ తీరప్రాంతాలు సోమవారం రాత్రి 11.30 గంటల వరకు ఈ వాతావరణ దృగ్విషయాన్ని ఎదుర్కొనున్నాయి. సముద్రాలు అకాస్మత్తుగా ఉప్పొంగి, పెద్ద అలలు తీర ప్రాంతాన్ని ముంచేత్తుతాయి. దీనినే ‘‘కల్లక్కడల్’’గా వ్యవహరిస్తుంటారు. దీంతో తీరప్రాంత వాసులు, మత్స్యకారులు అప్రమత్తమయ్యారు.

Read Also: Ponnam Prabhakar: బీజేపీ కి 400 సీట్లు వస్తే బీసీలు ఆగమే..

సముద్రం అల్లకల్లోలంగా మారే అవకాశం ఉన్నందున, అధికారుల సూచన మేరకు డేంజర్ జోన్ ప్రాంతాలకు దూరంగా ఉండాలని ఇండియన్ నేషనల్ సెంటర్ ఫర్ ఓషన్ ఇన్ఫర్మేషన్ సర్వీసెస్ (INCOIS) తెలిపింది. హార్బర్లలో ఫిషింగ్ ఓడలను సురక్షితంగా ఉంచాలని ప్రజలకు సూచించింది. బోట్ల మధ్య సురక్షిత దూరంలో ఉంచడం ద్వారా ఢీకొట్టే ప్రమాదాన్ని నివారించవచ్చు, ఫిషింగ్ పరికరాల భద్రతను నిర్ధారించాలి అని ఒక ప్రకటనలో తెలిపింది. బీచ్ వద్దకు వెళ్లడాన్ని ప్రజలు పూర్తిగా నివారించాలని హెచ్చరించింది. హిందూ మహాసముద్రం దక్షిణ భాగంలో ఎలాంటి నిర్దిష్ట సూచనలు లేకుండా అకస్మాత్తుగా సంభవించే బలమైన గాలుల వల్ల ఈ ఉప్పెన ఎదురవుతుంది. అందకే దీనిని కల్లక్కడల్ అని పిలుస్తారు.