NTR Promise: ఇది ఎన్టీఆర్ అంటే.. ఈ ప్రామిస్ అంతకుమించి!

ప్రస్తుతం యంగ్ టైగర్ ఎన్టీఆర్ క్రేజ్ గ్లోబల్ లెవల్లో ఉంది. అయితే దశాబ్దం క్రితం ఈ క్రేజ్ లేదు. 19 ఏళ్ల విషయసులోనే ఇండస్ట్రీలోకి వచ్చిన ఎన్టీఆర్.. బ్యాక్ టు బ్యాక్ హిట్స్ కొట్టాడు. ఆ తర్వాత మూడున్నర ఏళ్ల పాట్టు హిట్ అనే మాటే లేదు. అలాంటి సమయంలో 2015లో ఎన్టీఆర్-పూరి జగన్నాథ్ కాంబినేషన్లో ‘టెంపర్’ సినిమా వచ్చింది. ఈ సినిమా ఆడియో లాంచ్‌లో ఎన్టీఆర్ ఇచ్చిన స్పీచ్ ఈ రోజుకి కూడా ఫ్యాన్స్‌కి గుర్తుండే ఉంటుంది. ఇక నుంచి ‘నందమూరి అభిమానులు కాలర్ ఎగరేసుకునే సినిమాలు చేస్తాను’ అని ప్రామిస్ చేశాడు. చెప్పినట్టే టెంపర్ సినిమా నుంచి కొత్త ఎన్టీఆర్‌ను ఈ ప్రపంచానికి పరిచయం చేశాడు. అప్పటి నుంచి ఇప్పటి వరకు నందమూరి అభిమానులు ఎత్తిన కాలర్‌ని దించకుండా చేశాడు.

తాజాగా మరోసారి అలాంటి ప్రామిస్‌నే ఎన్టీఆర్ చేశాడు. ‘టిల్లు స్క్వేర్’ సినిమా సక్సెస్ మీట్‌కి వచ్చిన ఎన్టీఆర్.. ‘దేవర’ సినిమా గురించి మాట్లాడాడు. ఎన్టీఆర్ చెప్పిన మాటలను బట్టి.. మరో ప్రామిస్‌ చేశాడనే చెప్పాలి. ఒక్క మాట.. ఒకే ఒక్క మాట.. కొంచెం ఓవర్ అయిందని అనుకోకపోతే చిన్న విషయం చెబుతాను.. ఈరోజు చొక్కా వేసుకొని వచ్చాను.. చొక్కాకి కాలర్ ఉంటుంది.. దేవర అనే చిత్రం రిలీజ్ లేట్ అయినా సరే, రేపు పొద్దున మీరందరూ గర్వంగా కాలర్ ఎగరేసుకునేలా ఉంటుందని చెప్పాడు. ఈ ఒక్క మాటతో ఆడిటోరియం దద్దరిల్లిపోయింది.

Also Read: Preity Zinta Photoshoot: ఫస్ట్ ఫోటోషూట్ పిక్ షేర్ చేసిన ప్రీతి జింటా.. ఎంత ముద్దుగా ఉందో!

‘బింబిసార’ ఈవెంట్‌లో దేవర అప్డేట్ అడిగితే.. అభిమానులపై ఎన్టీఆర్ కాస్త కోప్పడ్డాడు. అప్టేట్స్ ఏదైనా ఉంటే తనే చెబుతానని చెప్పాడు. కానీ ఈసారి మాత్రం అడక్కుండానే దేవర కాలర్ ఎగరేసేలా ఉంటుందని.. టెంపర్ టైంలో ప్రామిస్ చేసినట్టుగా చేశాడు. దాంతో ఎన్టీఆర్ ఫ్యాన్స్‌ ఎనర్జీకి కొలమానం లేకుండా పోయింది. ఈసారి ప్రామిస్ అంతకుమించి అని.. సోషల్ మీడియాను షేక్ చేస్తున్నారు. చెప్పినట్టుగా అక్టోబర్ 10న దేవర సినిమాతో మళ్లీ బాక్సాఫీస్‌పై టైగర్ దండయాత్ర చేస్తాడు. అంతేకాదు వెయ్యి కోట్ల సినిమా ఇచ్చి 2024ని దేవర నామ సంవత్సరంగా మార్చనున్నాడు. ఇక వార్ 2, ప్రశాంత్ నీల్ సినిమాలతో ఫ్యాన్స్‌ డబుల్ కాలర్ ఎగరేసేలా చేయడం గ్యారెంటీ.