World Record: విరాట్ కోహ్లీ, రోహిత్ శర్మ రికార్డులు కనుమరుగు.. సంచలనం స్పష్టించిన స్టార్ బ్యాటర్..
- Follow Us :
-
-
Add as a preferred
source on google
ఇంగ్లాండ్ , పాకిస్తాన్ మధ్య లీడ్స్ వేదికగా జరుగుతున్న తొలి టెస్టు మ్యాచ్లో ఇంగ్లాండ్ జట్టు పూర్తి ఆధిపత్యాన్ని ప్రదర్శిస్తోంది. మ్యాచ్ రెండవ రోజు ముగిసే సమయానికి ఇంగ్లాండ్ తమ మొదటి ఇన్నింగ్స్లో 8 వికెట్ల నష్టానికి 366 పరుగులు చేసి బలమైన స్థితికి చేరుకుంది. అంతకుముందు పాకిస్తాన్ను కేవలం 171 పరుగులకే ఆలౌట్ చేసిన ఇంగ్లాండ్, ప్రస్తుతం 195 పరుగుల భారీ ఆధిక్యంలో కొనసాగుతోంది. జట్టు చేతిలో ఇంకా రెండు వికెట్లు మిగిలి ఉండటంతో ఆధిక్యం మరింత పెరిగే అవకాశం ఉంది. జార్డన్ కాక్స్ తో కలిసి శతక భాగస్వామ్యాన్ని నెలకొల్పిన ఇంగ్లాండ్ కెప్టెన్ జో రూట్, 112 బంతుల్లో 10 ఫోర్లతో 66 పరుగులు చేసి జట్టు భారీ స్కోరు సాధించడంలో కీలక పాత్ర పోషించాడు.
ఈ ఇన్నింగ్స్తో జో రూట్ ప్రపంచ టెస్టు ఛాంపియన్షిప్ (WTC) చరిత్రలో ఒక అరుదైన ప్రపంచ రికార్డును తన పేరిట లిఖించుకున్నాడు. WTC లో కెప్టెన్గా 3000 పరుగులు పూర్తి చేసిన ప్రపంచంలోనే తొలి ఆటగాడిగా రూట్ చరిత్ర సృష్టించాడు. బెన్ స్టోక్స్ రిటైర్మెంట్ తర్వాత మళ్లీ ఇంగ్లాండ్ టెస్టు జట్టు బాధ్యతలు చేపట్టిన రూట్, WTC లో ఇప్పటివరకు 34 మ్యాచ్లలో 63 ఇన్నింగ్స్లు ఆడి 50.4 సగటుతో మొత్తం 3024 పరుగులు సాధించాడు. ఈ జాబితాలో రెండవ స్థానంలో ఉన్న మాజీ కెప్టెన్ బెన్ స్టోక్స్ 40 మ్యాచ్ల్లో 2182 పరుగులు చేయగా, రూట్ అతనికంటే చాలా ముందంజలో ఉన్నాడు.
Also Read
- AP MPP Election Results: ఎంపీపీ ఎన్నికల్లో పార్టీల బలమెంత? అధ్యక్ష, ఉపాధ్యక్ష స్థానాల పూర్తి లెక్కలివే!
- Suryakumar Yadav: "ప్రధాని మోడీని కలిశాకే నా లక్ మారింది.. మళ్లీ ఫామ్లోకి వచ్చా".. సూర్యకుమార్ ఆసక్తికర వ్యాఖ్యలు..
- Koti Deepotsavam 2026 Day 7: కార్తీక శుక్రవారం.. ప్రబోధిని ఏకాదశి.. కోటి దీపోత్సవంలో నేటి విశేషాలివే!
- Cyclone Akvan: అక్వాన్ తీవ్ర తుపాన్ తీరం దాటే ప్రక్రియ ప్రారంభం.. వణుకుతున్న ఉత్తరాంధ్ర.. కీలక హెచ్చరిక!
మరొకవైపు, WTC లో కెప్టెన్గా అత్యధిక పరుగులు చేసిన ఆటగాళ్ల జాబితాలో పాకిస్తాన్ కెప్టెన్ బాబర్ ఆజమ్, భారత దిగ్గజాలు విరాట్ కోహ్లీ , రోహిత్ శర్మలను వెనక్కి నెట్టి ఐదవ స్థానంలో నిలిచాడు. బాబర్ ఆజమ్ 20 మ్యాచ్ల్లో 56.41 సగటుతో 1918 పరుగులు చేయగా, విరాట్ కోహ్లీ 1349 పరుగులతో ఆరవ స్థానంలో, రోహిత్ శర్మ 1254 పరుగులతో ఎనిమిదవ స్థానంలో ఉన్నారు. ప్రస్తుతం కోహ్లీ , రోహిత్ టెస్టు క్రికెట్కు గుడ్బై చెప్పి కేవలం వన్డేల్లో మాత్రమే కొనసాగుతున్నారు.
WTC లో కెప్టెన్లుగా అత్యధిక పరుగులు చేసిన టాప్-10 ఆటగాళ్లలో జో రూట్ (3024) అగ్రస్థానంలో ఉండగా, బెన్ స్టోక్స్ (2182) రెండవ స్థానంలో, దిముత్ (2160) మూడవ స్థానంలో, క్రెగ్ బ్రాత్వైట్ (1994) నాలుగవ స్థానంలో ఉన్నారు. వీరి తర్వాత బాబర్ ఆజమ్ (1918), విరాట్ కోహ్లీ (1349), టామ్ లేథమ్ (1338), రోహిత్ శర్మ (1254) వరుసగా తదుపరి స్థానాల్లో నిలవగా, ధనంజయ డి సిల్వా (1099), నజ్ముల్ హుస్సేన్ శాంటో (1099) చివరి స్థానాల్లో ఉన్నారు.
తాజావార్తలు
-
Ram Nithin: రామ్ నితిన్ కొత్త మూవీ.. ఇద్దరు అందాల భామలతో క్రేజీ ప్రాజెక్ట్!
-
Rohit Sharma: ఆ ఫోన్ కోసం గంటల తరబడి ఎదురుచూశా.. కునుకు పట్టలేదు.. చివరకు..!
-
Motorola Razr Flex 2027: 12GB RAM, 50MP కెమెరా, 165Hz డిస్ప్లే.. Motorola కొత్త ఫోల్డబుల్ ఫోన్ వచ్చేస్తోంది!
-
AP MPP Election Results: ఎంపీపీ ఎన్నికల్లో పార్టీల బలమెంత? అధ్యక్ష, ఉపాధ్యక్ష స్థానాల పూర్తి లెక్కలివే!
-
Copper Prices: బంగారం, వెండి బాటలోనే రాగి.. ఇక ఏసీలు, ఫ్రిడ్జ్లు చౌకగా దొరుకుతాయా?
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!