Gautam Gambhir Memes: బుమ్రాను ఓపెనర్‌గా పరిచయం చేస్తాడేమో?.. గంభీర్‌పై జోకులు!

Memes on India Coach Gautam Gambhir: టీమిండియా హెడ్ కోచ్‌గా రాహుల్ ద్రవిడ్ పదవీకాలం టీ20 ప్రపంచకప్‌ 2024 అనంతరం ముగిసిన విషయం తెలిసిందే. భారత మాజీ ఓపెనర్ గౌతమ్ గంభీర్ నూతన హెడ్ కోచ్‌గా నియమితుడయ్యాడు. జులై చివరలో ఆరంభమయ్యే శ్రీలంక పర్యటనతో కోచ్‌గా గౌతీ బాధ్యతలు చేపట్టనున్నాడు. అతడి పదవీకాలం 1 జూలై 2024 నుండి 31 డిసెంబర్ 2027 వరకు ఉంటుంది. అయితే నూతన హెడ్ కోచ్‌గా ఎంపికైన గంభీర్‌పై సోషల్ మీడియాలో జోకులు పేలుతున్నాయి. స్టార్ పేసర్ జస్ప్రీత్ బుమ్రాను ఓపెనర్‌గా పరిచయం చేస్తాడేమో? అని నెటిజెన్స్ ఫన్నీగా కామెంట్స్ చేస్తున్నారు.

ఐపీఎల్ 2024లో కోల్‌కతా మెంటార్‌గా ఉన్న గౌతమ్ గంభీర్.. విండీస్ స్పిన్నర్ సునీల్ నరైన్‌ను ఓపెనర్‌గా ఆడించాడు. అది సక్సెస్ కూడా అయింది. 2024లో నరైన్‌ స్పెషలిస్ట్ బ్యాటర్ మాదిరి పరుగుల వరద పారించాడు. ఎప్పుడూ ప్రయోగాలు చేసే గౌతీ.. టీమిండియాకు కూడా కొత్త ఓపెనర్‌ను తీసుకువస్తాడని సోషల్ మీడియాలో కామెంట్ల వర్షం కురుస్తోంది. అప్పుడప్పుడు బ్యాటుతో మెరిసే బౌలర్లు కుల్దీప్ యాదవ్, జస్ప్రీత్ బుమ్రాలలో ఒకరిని ఓపెనర్‌గా పరిచయం చేస్తాడేమో? అని నెటిజెన్స్ కామెంట్స్ చేస్తున్నారు.

Also Read: Sunil Chhetri-Virat Kohli: కోహ్లీలోని మరో కోణం చాలా మందికి తెలియదు: ఛెత్రీ

విరాట్ కోహ్లీ, గౌతమ్ గంభీర్‌తో భారత డ్రెస్సింగ్ రూమ్ ఎలా ఉంటుందో అని ఫన్నీ మీమ్స్ కూడా వస్తున్నాయి. ఐపీఎల్ 2023లో వీరిద్దరు ఒకరిపైకి మరొకరు దూసుకెళ్లారు. లక్నో, బెంగళూరు మ్యాచ్ ముగిసిన అనంతరం ఇద్దరూ గొడవకు దిగారు. దీంతో డ్రెస్సింగ్ రూమ్‌లో పరిస్థితి ఎలా ఉంటుందో అని నెటిజన్లు వీడియోల ద్వారా మీమ్స్ చేస్తున్నారు. ఐపీఎల్ 2024లో గంభీర్, కోహ్లీలు ఆప్యాయంగా పలకరించుకున్నారు.

Gautam Gambhir introducing Jasprit Bumrah as an opener after becoming the India cricket team coach. pic.twitter.com/htsmB5mAcO

— Sai Teja (@csaitheja) July 9, 2024