IPL 2026: ప్రపంచంలోనే అత్యంత ప్రజాదరణ పొందిన టీ20 క్రికెట్ లీగ్ ఇండియన్ ప్రీమియర్ లీగ్ (IPL) 2026 సీజన్ మార్చి 28న ప్రారంభం కానుంది. ఈ విషయాన్ని టెలిక్యాస్ట్ భాగస్వామి స్టార్ స్పోర్ట్స్ నెట్వర్క్ ఆదివారం అధికారికంగా ప్రకటించింది. ఈ ప్రకటన టీ20 వరల్డ్ కప్ 2026 ఫైనల్ మ్యాచ్కు ముందే వెలుబడింది. అయితే ఐపీఎల్ 2026 ప్రారంభ తేదీని ప్రకటించినప్పటికీ.. పూర్తి మ్యాచ్ షెడ్యూల్ను ఇంకా విడుదల చేయలేదు. అతి త్వరలో బీసీసీఐ ఈ షెడ్యూల్ను ప్రకటించే అవకాశం ఉంది.
IND vs NZ: 17 ఏళ్ల పాకిస్థాన్ రికార్డు బ్రేక్.. T20 వరల్డ్ కప్ హిస్టరీలో నంబర్ 1 జోడీగా సంజు-అభిషేక్
అయితే ఈ సారి ఐపీఎల్ పూర్తి షెడ్యూల్ పూర్తిగా రాకపోవడానికి కారణం మాత్రం దేశంలోని వివిధ రాష్ట్రాలలో ఎన్నికలు ఉండడటమే. ఇక గత సీజన్లో రాయల్ చాలెంజర్స్ బెంగళూరు (RCB) జట్టు తమ చరిత్రలో తొలి ఐపీఎల్ టైటిల్ను గెలుచుకుంది. 2025 సీజన్ ఫైనల్లో పంజాబ్ కింగ్స్ పై ఆరు పరుగుల తేడాతో విజయం సాధించి ట్రోఫీని మొదటిసారి కైవసం చేసుకుంది. ఈ విజయంతో ఆర్సీబీ అభిమానుల కల నెరవేరింది. ఇప్పుడు అదే జట్టు 2026 సీజన్లో డిఫెండింగ్ చాంపియన్గా బరిలోకి దిగనుంది.
ఇక ఐపీఎల్ 2026లో కీలక మ్యాచ్ లకు వేదికగా చిన్నస్వామి స్టేడియం నిలవనుంది. ఈ స్టేడియంలో ఆర్సీబీ జట్టు ఐదు హోం మ్యాచ్లు ఆడనుందని కర్ణాటక స్టేట్ క్రికెట్ అసోసియేషన్ తెలిపింది. అంతేకాకుండా ఈ వేదికపై ఐపీఎల్ 2026 ఫైనల్తో పాటు ఒక ప్లే ఆఫ్ మ్యాచ్ కూడా నిర్వహించనున్నారు. కొంతకాలంగా క్రికెట్ కార్యకలాపాలు నిలిచిపోయిన తర్వాత ఈ ఐకానిక్ స్టేడియంలో మళ్లీ ఐపీఎల్ మ్యాచ్లు జరగనుండడంతో అభిమానులు ఆనందం వ్యక్తం చేస్తుంది. మరోవైపు ఆర్సీబీ జట్టు మిగిలిన రెండు హోం మ్యాచ్ లను రాయ్పూర్లోని షహీద్ వీర్ నారాయణ్ సింగ్ ఇంటర్నేషనల్ క్రికెట్ స్టేడియంలో ఆడనుంది. దీంతో బెంగళూరులో ఎక్కువ హోం మ్యాచ్లు జరగగా, రాయ్పూర్లో మిగతా మ్యాచ్లు నిర్వహించనున్నారు.
