India vs New Zealand: రేపే భారత్-కివీస్ రెండో వన్డే.. జట్టులోకి సిరాజ్ భాయ్ ఎంట్రీ.. ప్లేయింగ్ ఎలెవన్ ఇదే..

India vs New Zealand 2nd ODI: టీమిండియా పేస్ దళంలో మార్పులు ఖాయంగా కనిపిస్తున్నాయి. న్యూజిలాండ్‌తో (New Zealand) జరగబోయే రెండో వన్డే (ODI) మ్యాచ్‌కు ముందు తుది జట్టుపై తీవ్ర చర్చ నడుస్తోంది. మొదటి మ్యాచ్‌లో ఆకట్టుకోలేకపోయిన పేసర్ ఆకిబ్ నబీకి (Auqib Nabi) ఉద్వాసన పలికి, అనుభవజ్ఞడైన మహ్మద్ సిరాజ్‌ను (Mohammad Siraj) తుది జట్టులోకి తీసుకునే అవకాశాలు ఎక్కువగా ఉన్నాయి. భారత్, కివీస్ మధ్య రెండో వన్డే శనివారం వెల్లింగ్టన్ (Wellington) వేదికగా జరగనుంది. ఆకిబ్ నబీ ఇప్పటివరకు ఆడిన రెండు అంతర్జాతీయ వన్డేల్లోనూ వికెట్లు తీయలేక నిరాశపరిచాడు. వెస్టిండీస్‌తో జరిగిన అరంగేట్ర మ్యాచ్‌లో 10 ఓవర్లలో ఏకంగా 84 పరుగులు సమర్పించుకున్నాడు. ఆ మ్యాచ్‌లో పిచ్ బౌలర్లకు సహకరించకపోయినా, ఆక్లాండ్‌లో (Auckland) జరిగిన రెండో మ్యాచ్‌లో మాత్రం పేసర్లకు అనుకూలమైన వాతావరణం లభించింది. ఆ మ్యాచ్‌లో మిగతా భారత పేసర్లు అర్ష్‌దీప్ సింగ్ (Arshdeep Singh), గుర్‌నూర్ బ్రార్ (Gurnoor Brar), అన్షుల్ కాంబోజ్ (Anshul Kamboj) అద్భుతంగా రాణించి ప్రత్యర్థి జట్టు వికెట్లన్నీ పడగొట్టారు. ఇక, అర్ష్‌దీప్ 4 వికెట్లు తీయగా, కాంబోజ్ కట్టుదిట్టంగా బౌలింగ్ చేసి 2 వికెట్లు దక్కించుకున్నాడు. గుర్‌నూర్ బ్రార్ కూడా 3 వికెట్లతో మెరిశాడు. ఆకిబ్ నబీ కేవలం 6 ఓవర్లలో 33 పరుగులే ఇచ్చినప్పటికీ, మరోసారి వికెట్ ఖాతా తెరవడంలో విఫలమయ్యాడు.

మరోవైపు, ఇండియా-ఏ (India-A) జట్టుతో టెస్టు డ్యూటీ ముగించుకున్న మహ్మద్ సిరాజ్ ఇప్పుడు వన్డే జట్టుతో కలిశాడు. సిరాజ్ రాకతో ఆకిబ్ నబీకి తుది జట్టులో స్థానం దక్కడం దాదాపు అసాధ్యంగా మారింది. ఇక ఆక్లాండ్‌లో జరిగిన తొలి మ్యాచ్‌లో కఠినమైన పిచ్‌పై కివీస్ బౌలర్ల షార్ట్ పిచ్ బంతులను ఎదుర్కొంటూ విరాట్ కోహ్లీ (Virat Kohli) అద్భుతమైన అర్ధశతకం సాధించి జట్టును విజయతీరాలకు చేర్చాడు. వెలెంగ్టన్ రీజినల్ స్టేడియంలో జరిగే ఈ రెండో వన్డేలో పిచ్‌పై మంచి బౌన్స్, పేస్ ఉండే అవకాశం ఉంది కాబట్టి, పేసర్ల పాత్ర అత్యంత కీలకం కానుంది. అయితే మ్యాచ్‌కు ముందు వాతావరణం సహకరించకపోవడంతో, వర్షం కారణంగా భారత జట్టు ప్రాక్టీస్ సెషన్‌ను రద్దు చేసుకోవాల్సి వచ్చింది. తొలి మ్యాచ్‌ గెలిచిన ఊపులో ఉన్న మేనేజ్‌మెంట్ జట్టులో పెద్దగా మార్పులు చేయాలని భావించడం లేదు, కేవలం ఆకిబ్ స్థానంలో సిరాజ్‌ను బరిలోకి దించడమే ప్రధాన మార్పుగా ఉండనుంది.

భారత తుది జట్టు అంచనా (Probable XI): శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), నమన్ ధీర్, అన్షుల్ కాంబోజ్, మహ్మద్ సిరాజ్, గుర్‌నూర్ బ్రార్, అర్ష్‌దీప్ సింగ్.