ICMR Report: సమోసా, చిప్స్‌, కేక్స్ వల్లే దేశంలో షుగర్ వ్యాధి విస్తరిస్తోంది.. షాకింగ్ రిపోర్ట్

ICMR Report: భారతదేశంలో ప్రస్తుతం 10 కోట్ల మందికి పైగా ప్రజలు మధుమేహంతో బాధపడుతున్నట్లు రికార్డ్స్ చెబుతున్నాయి. అయితే., దేశంలో మధుమేహ రోగులు ఎందుకు వేగంగా పెరుగుతున్నారు..? అందుకు సంబంధించి షాకింగ్ రిపోర్ట్ బయటకు ఒకటి బయటకు వచ్చింది. ఇందులో మన ఆహార పదార్థాలు ముఖ్యపాత్ర పోషిస్తున్నాయని ఓ పరిశోధనలో వెల్లడైంది. ఇండియన్ కౌన్సిల్ ఆఫ్ మెడికల్ రీసెర్చ్ (ICMR), మద్రాస్ డయాబెటిస్ రీసెర్చ్ ఫౌండేషన్ (MDRF) ఇటీవల ఒక పరిశోధనను నిర్వహించాయి. ఇందులో దేశంలో మధుమేహాన్ని ప్రోత్సహించడంలో ముఖ్యపాత్ర పోషిస్తున్న కొన్ని ఆహార పదార్థాలను గుర్తించారు. అడ్వాన్స్‌డ్ గ్లైకేషన్ ఎండ్ ప్రొడక్ట్స్ (AGE)లు అధికంగా ఉండే ఆహారాలు చక్కెరను పెంచుతాయి. ఈ పరిశోధన ఇంటర్నేషనల్ జర్నల్ ఆఫ్ ఫుడ్ సైన్సెస్ అండ్ న్యూట్రిషన్‌లో ప్రచురించబడింది.

అధునాతన గ్లైకేషన్ ముగింపు ఉత్పత్తులు (AGE) హానికరమైన సమ్మేళనాలు. గ్లైకేషన్ అనే ప్రక్రియ ద్వారా ప్రోటీన్లు లేదా కొవ్వులు చక్కెరలతో సంకర్షణ చెందుతున్నప్పుడు ఇది ఏర్పడుతుంది. ఏదైనా ఆహార పదార్థాన్ని వేయించినప్పుడు లేదా కాల్చినప్పుడు, అందులో AGE లు ఏర్పడతాయి. AGEలు ఎక్కువగా ఉన్న ఆహార పదార్థాల వినియోగం ఊబకాయాన్ని పెంచుతుందని, స్థూలకాయం మధుమేహానికి ప్రధాన కారణమని అధ్యయనాలు కనుగొన్నాయి.

Israel-Iran War: ఇరాన్-ఇజ్రాయెల్ యుద్ధాన్ని ఆపేందుకు ప్రయత్నిస్తున్న అమెరికా, అరబ్ దేశాలు

ICMR ఈ పరీక్షను 38 మందికి 12 వారాలపాటు నిర్వహించింది. దీని తరువాత, ఫలితాలు వెలువడిన తరువాత పరిశోధన ప్రచురించబడింది. కేకులు, కుక్కీలు వంటి కాల్చిన ఆహారాలు AGE లలో ఎక్కువగా ఉంటాయి. దీని పరిమాణం చిప్స్, సమోసాలు, పకోడాలు ఇంకా వేయించిన చికెన్‌లో కూడా పెద్ద పరిమాణంలో ఉంటుంది. అలాగే రెడీమేడ్ ఆహార పదార్థాల రూపంలో వచ్చే వనస్పతి, మయోనైస్ కూడా చక్కెరను పెంచుతాయి. కాల్చిన మాంసాలు, కాల్చిన గింజలలో AGEలు సమృద్ధిగా ఉంటాయి. వీటి వాడకం వల్ల చక్కెర వ్యాధి వచ్చే అవకాశం ఎక్కువగా ఉంటుంది. ఫ్రైడ్ ఫుడ్స్ స్థానంలో తక్కువ AGE డైట్‌లు తీసుకోవాలని పరిశోధకులు అంటున్నారు. పండ్లు, కూరగాయలు, తృణధాన్యాలు వంటివి ఆహారంలో చేర్చుకోవాలని తెలిపింది ICMR.