Osama Bin Lager : మందుబాబులా మజాకా.. దెబ్బకు మద్యం దుకాణం వెబ్‌సైట్‌ డౌన్‌ అయింది

మందుబాబులతో పెట్టుకుంటే మాములుగా ఉండదు. వారి కెపాసిటీ జోలికి వస్తే.. లెక్క తేల్చేస్తారు. అలాంటిదే ఈ ఘటన. యూకేకు చెందిన ఓ మద్యం దుకాణంలో ఓ బీర్‌ టేస్ట్‌ నచ్చడంతో.. ఆ బీర్‌ కోసం జనాలు బారులు తీరారు. అంతేకాకుండా.. ఆన్‌లైన్‌లోనూ ఆర్డర్‌ పెట్టేందుకు పోటెత్తడంతో.. ఆ మద్యం దుకాణంకు చెందిన వైబ్‌సెట్‌ డౌన్‌ అయిపోయింది. వివరాల్లోకి వెళితే.. UKలోని లింకన్‌షైర్‌లోని బిల్లింగ్‌హేలో ఉన్న ఒక పబ్‌లో తన ‘ఒసామా బిన్ లాగర్’ బీర్‌ను కొనుగోలు చేయడానికి భారీ రద్దీ ఏర్పడటంతో Michel’s Brewing Co తన వెబ్‌సైట్‌ను మూసివేసింది. నివేదికల ప్రకారం, వారు విడుదల చేసిన మద్యంలో ఒసామా బిన్ లాజర్ ఎక్కువగా డిమాండ్ చేయబడింది. సిట్రస్‌ ఫ్లేవర్‌తో కూడిన బీర్‌ను కొనుగోలు చేసేందుకు విపరీతమైన రద్దీ నెలకొంది. దీంతో.. వైబ్‌సైట్‌కు.. ట్రాఫిక్ పది రెట్లు పెరిగిన తర్వాత సంస్థ సహ వ్యవస్థాపకులు, ల్యూక్, కేథరీన్ మిచెల్ తమ ఫోన్‌లను ఆఫ్ చేశారు.

ఇది కాకుండా, సంస్థ యొక్క వెబ్‌సైట్ కూడా తాత్కాలికంగా నిలిపివేయబడింది. ఓ మీడియాకు ఇచ్చిన ఇంటర్వ్యూలో మిచెల్ మాట్లాడుతూ.. ఉదయం నిద్ర లేవగానే తన ఫోన్‌లో వేల సంఖ్యలో నోటిఫికేషన్‌లు కనిపిస్తున్నాయని చెప్పారు. గత 48 గంటలుగా ఫోన్ ముట్టడం లేదని చెప్పారు. బీర్ మగ్ పై 2011లో అమెరికా చేతిలో హతమైన అల్ ఖైదా అధినేత ఒసామా బిన్ లాడెన్ చిత్రం ఉంది. బిల్ లాడెన్ మాత్రమే కాదు, ఉత్తర కొరియా అధినేత కిమ్ జాంగ్ ఉన్ పేరు మీదుగా కిమ్ జోంగ్ అలే, రష్యా అధ్యక్షుడు వ్లాదిమిర్ పుతిన్ పేరు మీద పుతిన్ పోర్టర్ కూడా ఉన్నారు.

నిన్న, మద్యం దుకాణం సోషల్ మీడియాలో ఒసామా బిన్ లాగర్‌ బీర్ చిత్రాలను పంచుకుంది. ఇది చాలా మంది దృష్టిని ఆకర్షించింది. బార్ వెలుపల ఉన్న చిత్రాలను చూసి అందరూ నవ్వుకుంటున్నారని మిచెల్ మీడియాకు తెలిపారు.

బిన్ లాడెన్ పేరును చూసి ప్రజలు చిరాకు పడినప్పటికీ, మిచెల్ దంపతులు దాతృత్వ కార్యక్రమాలలో కూడా చురుకుగా ఉంటారు. సెప్టెంబరు 11, 2011న జరిగిన వరల్డ్ ట్రేడ్ సెంటర్ ఉగ్రవాద దాడి బాధితులకు.. విక్రయించబడే ఒసామా బిన్ లాగర్ బీర్ యొక్క ప్రతి బ్యారెల్ నుండి పది పౌండ్లు విరాళంగా ఇవ్వనున్నట్లు ఆమె తెలిపారు.