HIT 2: ఆ దర్శకుడే నా సెంటిమెంట్ : హీరో నాని
HIT 2: అడివి శేష్ హీరోగా, మీనాక్షి చౌదరి హీరోయిన్ గా ‘హిట్ 2’ సినిమా రూపొందింది. శైలేష్ కొలను దర్శకత్వం వహించాడు. హీరో నాని సమర్పణలో వాల్ బోస్టర్ సినిమా బ్యానర్పై ఈ మూవీ వస్తుండగా.. నాని సోదరి ప్రశాంతి తిపిర్నేని నిర్మిస్తున్నారు. ఒక యువతి మర్డర్ కేసు మిస్టరీని ఛేదించడానికి రంగంలోకి దిగిన పోలీస్ ఆఫీసర్ కీ, ఆ హత్యతో అనేక హత్యలు ముడిపడి ఉన్నాయనే సంగతి తెలుస్తుంది. అప్పుడతను ఏం చేశాడనేదే కథ. ఈ సినిమా నుంచి ఇంతవరకూ వదిలిన అప్ డేట్స్ అంచనాలు పెంచుతూ వచ్చాయి. రెండేళ్ల క్రితం విశ్వక్ సేన్ హీరోగా వచ్చిన హిట్ మూవీకి ఇది సీక్వెల్.
Read Also: Prabhas: రాజ్ తరుణ్ హీరోయిన్ తో ప్రభాస్ రొమాన్స్
డిసెంబర్ 2న ఈ సినిమాను విడుదల చేయనున్నట్టుగా ముందుగానే ప్రకటించింది చిత్రబృందం. ముఖ్య అతిథి ఎవరనే విషయాన్ని సస్పెన్స్ లో ఉంచారు. తాజాగా సస్పెన్స్ కి తెరదించేస్తూ, చీఫ్ గెస్టుగా రాజమౌళి రానున్నారనే విషయాన్ని ప్రకటించారు. అందుకు సంబంధించిన పోస్టర్ ను వదిలారు. ఈ నెల 28వ తేదీన హైదరాబాదు – ఫిల్మ్ నగర్ లోని జేఆర్సీ కన్వెన్షన్ లో ఈ వేడుక జరగనుంది. ఆ రోజున సాయంత్రం 6 గంటల నుంచి ఈ వేడుక ప్రారంభం కానుంది. రాజమౌళితో నానికి మంచి సాన్నిహిత్యం ఉంది. అందువలన నాని ఆహ్వానం మేరకు ఆయన ముఖ్య అతిథిగా హాజరు కానున్నాడన్న మాట. హిట్ మూవీకి కూడా చీఫ్ గెస్ట్గా రాజమౌళి వచ్చాడు. ఆ సినిమా హిట్ కావడంతో.. నాని సెంటిమెంట్గా మళ్లీ హిట్ -2కి రాజమౌళిని పిలిచినట్లు తెలుస్తోంది.