టాలివుడ్ స్టార్ హీరో న్యాచురల్ స్టార్ నాని, మృణాల్ ఠాకూర్ జంటగా నటించిన ‘హాయ్ నాన్న’ మూవీ డిసెంబర్ 7న విడుదల కానుంది.సౌర్యవ్ అనే నూతన దర్శకుడు తీసిన సినిమా ఇది. తాజాగా ట్రైలర్ రిలీజ్ అయ్యింది.. ఆ ట్రైలర్ వీడియో ప్రస్తుతం జనాలను తెగ ఆకట్టుకుంటుంది.. యూట్యూబ్ లో ట్రెండ్ అవుతుంది.. ఎమోషనల్ కంటెంట్ ఎక్కువగా కనిపించింది. తండ్రీ కూతుళ్ళ మధ్య ఎమోషనల్ డ్రామాగా ఈ మూవీ రూపొందింది. హేషమ్ అబ్దుల్ వాహాబ్ సంగీతం అన్ని విధాలుగా ఆకట్టుకునేలా కనిపిస్తుంది.
అయితే ఇందులో హీరోయిన్ గా మృణాల్ కనిపిస్తున్న కూడా నాని భార్య పాత్రలో శృతి హాసన్ నటించిందని టాక్ వినిపిస్తుంది.. నిజంగానే సినిమాలో నటించిందా లేదా అనేది తెలియదు కానీ ఆ పాపకి తల్లి పాత్రలో కనిపించబోతుంది అనే టాక్ మాత్రం నడుస్తుంది. అది చిన్న పాత్రే. శృతి హాసన్ నుండి పది రోజుల కాల్ షీట్లు కూడా తీసుకోలేదు అని ఇన్సైడ్ టాక్. ‘కాక్ టైల్’ అనే పార్టీ సాంగ్ లో శృతి కనిపించబోతుంది అని సమాచారం..
అయితే ఆ పాట కోసం శృతి హాసన్ ఏకంగా రూ. 1.5 కోట్లు డిమాండ్ చేసినట్లు తెలుస్తుంది.. చాలా మంది స్టార్ హీరోయిన్లు ఉన్నప్పటికీ శృతి హాసన్ కి ఈ రేంజ్ డిమాండ్ ఉండటం అనేది చిన్న విషయం కాదు అనే చెప్పాలి. ప్రస్తుతం ఈమె ప్రభాస్ ‘సలార్’ మూవీలో కూడా హీరోయిన్ గా నటిస్తుంది.. ఆ సినిమాకు కూడా బాగానే రెమ్యూనరేషన్ ను అందుకోనున్నట్లు తెలుస్తుంది..
