ఎగ్జిట్ పోల్ అంచనాలు తప్పని నిరూపిస్తూ హర్యానా అసెంబ్లీలో బీజేపీ మెజారిటీతో గెలుపొందింది. దీంతో భారతీయ జనతా పార్టీలో పండగ వాతావరణం నెలకొంది. ఢిల్లీ బీజేపీ ప్రధాన కార్యాలయం వద్ద కార్యకర్తలు సంబరాలు జరుపుకుంటున్నారు. అలాగే దేశవ్యాప్తంగా బీజేపీ కార్యకర్తల్లో ఆనందం వెల్లివిరిసింది. ఈ క్రమంలో.. హర్యానా ప్రజలకు, కార్మికులకు ప్రధాని అభినందనలు తెలిపారు. మోడీ హర్యానాకు హృదయపూర్వక కృతజ్ఞతలు అంటూ ఇన్‌స్టాగ్రామ్‌లో పోస్ట్ చేశారు. ‘భారతీయ జనతా పార్టీకి మరోసారి స్పష్టమైన మెజారిటీని అందించినందుకు హర్యానా ప్రజలకు నేను సెల్యూట్ చేస్తున్నాను. ఇది అభివృద్ధి, సుపరిపాలన రాజకీయాల విజయం. ఇక్కడి ప్రజల ఆకాంక్షలను నెరవేర్చేందుకు ఏ రాయిని వదిలిపెట్టబోమని నేను వారికి హామీ ఇస్తున్నాను’.అని తెలిపారు.
Read Also: Bengaluru Murder Case: ఆత్మరక్షణ కోసం చంపేశా.. డెత్ నోట్‌లో రాసుకున్న నిందితుడు
‘ఈ గొప్ప విజయం కోసం అవిశ్రాంతంగా, పూర్తి అంకితభావంతో పనిచేసిన నా కార్మిక సహోద్యోగులందరికీ నా హృదయపూర్వక అభినందనలు’ అని ఎక్స్ లో పేర్కొన్నారు. రాష్ట్ర నాయకత్వం ప్రజలకు మంచి సేవ చేయడమే కాకుండా తమ అభివృద్ధి ఎజెండాను తెలియజేశారన్నారు. ఫలితంగా హర్యానాలో బీజేపీ చరిత్రాత్మక విజయం సాధించిందని ప్రధాని తెలిపారు. జమ్మూ కాశ్మీర్ అసెంబ్లీ ఎన్నికల్లో బీజేపీ పనితీరు గురించి ప్రధాని మోడీ ట్విట్టర్‌లో పోస్ట్ చేశారు. ‘జమ్మూ కాశ్మీర్‌లో ఎన్నికలు చాలా ప్రత్యేకమైనవి.. ఆర్టికల్ 370, ఆర్టికల్ 35ఎ రద్దు తర్వాత తొలిసారిగా ఎన్నికలు జరిగాయి. ఇందులో ప్రజలు ఉత్సాహంగా పాల్గొన్నారు. ప్రజాస్వామ్యంపై ప్రజల విశ్వాసం చెక్కుచెదరకుండా ఉందని దీన్ని బట్టి స్పష్టమవుతోంది. ఇందుకు జమ్మూ కాశ్మీర్‌లోని ప్రతి ఒక్కరినీ నేను అభినందిస్తున్నాను.’ అని తెలిపారు. జమ్మూ కాశ్మీర్‌లో బీజేపీ పనితీరు చూసి గర్వపడుతున్నాను.. బీజేపీకి ఓటు వేసి తమపై నమ్మకం ఉంచిన వారందరికీ ధన్యవాదాలు.. జమ్మూ కాశ్మీర్ సంక్షేమం కోసం నిరంతరం కృషి చేస్తామని ప్రజలకు హామీ ఇస్తున్నాను. పార్టీ కార్యకర్తలు చేసిన కృషిని కూడా అభినందిస్తున్నాను. జమ్మూ కాశ్మీర్ అసెంబ్లీ ఎన్నికల్లో మెచ్చుకోదగిన పనితీరు కనబరిచినందుకు నేషనల్ కాన్ఫరెన్స్‌ను అభినందిస్తున్నానని మోడీ అన్నారు.
हरियाणा का हृदय से आभार!
भारतीय जनता पार्टी को एक बार फिर स्पष्ट बहुमत देने के लिए मैं हरियाणा की जनशक्ति को नमन करता हूं। यह विकास और सुशासन की राजनीति की जीत है। मैं यहां के लोगों को विश्वास दिलाता हूं कि उनकी आकांक्षाओं को पूरा करने के लिए हम कोई कोर-कसर नहीं छोड़ेंगे।
— Narendra Modi (@narendramodi) October 8, 2024