Furqan Bhat: పాలస్తీనా జెండా ఉన్న హెల్మెట్ ధరించిన కాశ్మీరీ క్రికెటర్.. ఆ తర్వాత ఏమైందంటే?

గురువారం జమ్మూ కాశ్మీర్ ఛాంపియన్స్ లీగ్ మ్యాచ్ సందర్భంగా పెద్ద వివాదం చెలరేగింది. స్థానిక క్రికెటర్ ఫుర్కాన్ భట్ తన హెల్మెట్ పై పాలస్తీనా జెండా ధరించి కనిపించాడు. ఈ సంఘటన వివాదానికి దారితీసింది. సమాచారం అందుకున్న పోలీసులు విచారణ కోసం పిలిపించారు. జమ్మూ కాశ్మీర్ పోలీసులు తెలిపిన వివరాల ప్రకారం, జమ్మూలో జరిగిన ఒక ప్రైవేట్ క్రికెట్ టోర్నమెంట్ సందర్భంగా ఒక ఆటగాడి హెల్మెట్‌పై పాలస్తీనా జెండాను ప్రదర్శించినందుకు సంబంధించి జమ్మూ కాశ్మీర్ పోలీసులు క్రికెటర్, టోర్నమెంట్ నిర్వాహకుడిని విచారణ కోసం పిలిపించారు.

Also Read: Ponnam Prabhakar: మూసేసే పరిస్థితి నుంచి లాభాల్లోకి ఆర్టీసీ.. 2026లో కొత్త ఆశలు!

భట్ ఈ విధంగా ఎందుకు ప్రవర్తించాడో అధికారులు ఇంకా స్పష్టం చేయలేదు. కేసుకు సంబంధించిన వివరాలు ఇంకా వెల్లడించలేదు. ఈ సంఘటన తర్వాత, జమ్మూ కాశ్మీర్ ఛాంపియన్స్ లీగ్ కూడా పోలీసుల పరిశీలనలోకి వచ్చింది. ఈ విషయంలో లీగ్ నిర్వాహకుడు జాహిద్ భట్‌ను కూడా ప్రశ్నిస్తున్నారు. జమ్మూ కాశ్మీర్ క్రికెట్ అసోసియేషన్ (JKCA) టోర్నమెంట్‌తో తమకు ఎటువంటి సంబంధం లేదని పేర్కొంది.