Fraud Case of Rs 20 lakhs : కంపెనీ ఫ్రాంచైజీ ఇస్తానంటూ రూ.20 లక్షల మోసం.. ఐదుగురిపై కేసు నమోదు

Fraud Case of Rs 20 lakhs : నోయిడాలోని ఓ కంపెనీకి ఫ్రాంచైజీ ఇస్తానని మోసగాళ్లు ఓ వ్యక్తి నుంచి రూ.20 లక్షలు మాయం చేశారు. బాధితుడు తన డబ్బును తిరిగి ఇవ్వమని అడగడంతో, నిందితుడు అతనికి చెక్కు ఇచ్చాడు. నగదు తీసుకోవడానికి బ్యాంకుకు వెళ్లినప్పుడు అది బౌన్స్ అయింది. కోర్టు ఆదేశాల మేరకు ఐదుగురు నిందితులపై ఫేజ్ 3 పోలీస్ స్టేషన్‌లో మోసం సహా పలు సెక్షన్ల కింద కేసు నమోదు చేశారు. ఈ కేసులో నమోదైన వారిలో కంపెనీ డైరెక్టర్, ఫైనాన్స్ హెడ్, సేల్స్ మేనేజర్, రిటైల్ మేనేజర్, వైస్ ప్రెసిడెంట్ పేర్లు ఉన్నాయి. సూరజ్‌పూర్ కోర్టులో ఇచ్చిన దరఖాస్తులో, సెక్టార్ -34 నివాసి సునీల్ దత్ శర్మ, 2021లో నీలోఫర్ ఖాన్ అనే వ్యక్తి నుండి తనకు కాల్ వచ్చిందని చెప్పాడు. తాను ఓ రిటైల్‌ కంపెనీ ఉద్యోగిగా తాను ఆన్‌లైన్‌ వ్యాపారం చేస్తున్నానని తెలిపాడు. అతనికి ఈ-కామర్స్ కంపెనీతో టై అప్ ఉంది. నీలోఫర్ తన కంపెనీ ఫ్రాంచైజీని తీసుకుంటే మంచి లాభాలు వస్తాయని నమ్మించాడు.

Read Also:Chandrababu: చంద్రబాబు ముందస్తు బెయిల్ పిటిషన్‌పై సుప్రీంలో విచారణ వాయిదా

దీని తర్వాత, నిలోఫర్ అతనిని సెక్టార్ -67లోని తన కంపెనీ కార్యాలయానికి పిలిపించి, డైరెక్టర్ వసీం రజా ఖాన్, ఫైనాన్స్ హెడ్ హిమాన్షు సరస్వత్, రిటైల్ మేనేజర్ అర్సాలా హఫీజ్, వైస్ ప్రెసిడెంట్ నికితా సూద్‌లను కలిశాడు. దీని తరువాత అతను ఫ్రాంచైజీని తీసుకొని భారీ లాభాలు సంపాదించాలని భావించాడు. ఫ్రాంచైజీ ఇచ్చినందుకు సునీల్ దత్ శర్మ నిందితులు ఇచ్చిన ఖాతాకు రూ.20 లక్షలు బదిలీ చేశాడు. నాలుగైదు నెలల్లో మొత్తం ప్రక్రియ పూర్తవుతుందని వారు పేర్కొన్నాడు. ఇందుకోసం అగ్రిమెంట్ కూడా చేసుకున్నారు. అగ్రిమెంట్ ప్రకారం తనకు తనకు వస్తువులు అందకపోవడంతో సదరు వ్యక్తులను నిలదీశాడు. వారు కోవిడ్ సాకుతో వాయిదా వేస్తూనే వచ్చారు.

Read Also:Minister KTR: సిరిసిల్లలో మంత్రి కేటీఆర్ నామినేషన్ దాఖలు

వాళ్లపై సునీల్ తీవ్ర ఒత్తిడి తేవడంతో అతడికి రెండు రూ.50 వేల చెక్కులు, రూ.80 వేల చెక్కు ఇచ్చారు. చెక్కులు బ్యాంకులో వేయగా మూడు బౌన్స్ అయ్యాయి. దీని తరువాత సునీల్ దత్ వర్మ నిందితుల కార్యాలయానికి చేరుకున్నాడు. కానీ అప్పటికే వాళ్లు ఆఫీసుకు తాళం వేసి.. వస్తువులతో పారిపోయారు. ఈ విషయమై ఆయన సంబంధిత పోలీస్‌స్టేషన్‌ కు వెళ్లి ఫిర్యాదు చేశారు. కానీ విచారణ లేకపోవడంతో కోర్టును ఆశ్రయించాడు. అనంతరం కేసు నమోదు చేసి.. కోర్టు ఆదేశాల మేరకు ఐదుగురు నిందితులపై కేసు నమోదు చేసినట్లు పోలీస్ స్టేషన్ ఇన్‌ఛార్జ్ విజయ్ కుమార్ తెలిపారు. నిందితుడి కోసం గాలిస్తున్నారు. అలాగే, ఈ విషయంపై విచారణ జరుపుతున్నారు. దోషులుగా తేలిన వారిపై అవసరమైన చట్టపరమైన చర్యలు తీసుకుంటారు.