FIFA World Cup 2026: ఫిఫా ప్రపంచకప్ 2026 ఉత్కంఠభరిత దశకు చేరుకుంది. ప్రీక్వార్టర్ మ్యాచ్లు ముగియడంతో క్వార్టర్ ఫైనల్కు అర్హత సాధించిన ఎనిమిది జట్లు ఖరారయ్యాయి. డిఫెండింగ్ ఛాంపియన్ అర్జెంటీనా, మాజీ ఛాంపియన్లు ఫ్రాన్స్, స్పెయిన్, ఇంగ్లండ్తో పాటు మొరాకో, నార్వే, బెల్జియం, స్విట్జర్లాండ్ జట్లు కూడా చివరి ఎనిమిదిలో చోటు దక్కించుకున్నాయి.
జూలై 10 నుంచి క్వార్టర్ ఫైనల్స్:
క్వార్టర్ ఫైనల్ మ్యాచ్లు భారత కాలమానం ప్రకారం జూలై 10 నుంచి ప్రారంభం కానున్నాయి. తొలి మ్యాచ్లో బలమైన ఫ్రాన్స్ను మొరాకో ఢీకొంటుంది. ఈ టోర్నీలో ఇప్పటికే పలు సంచలన విజయాలు సాధించిన మొరాకో మరోసారి దిగ్గజ జట్టుకు షాక్ ఇవ్వాలనే లక్ష్యంతో బరిలోకి దిగనుంది. అదే రోజు మరో హై-వోల్టేజ్ పోరులో యూరప్ దిగ్గజాలు స్పెయిన్, బెల్జియం తలపడనున్నాయి.
జూలై 12న జరిగే క్వార్టర్ ఫైనల్ మ్యాచ్ల్లో ఎర్లింగ్ హాలాండ్ సారథ్యంలో నార్వే, ఇంగ్లండ్తో తలపడనుంది. బ్రెజిల్ను ఓడించి సంచలనం సృష్టించిన నార్వే అదే జోరును కొనసాగించాలని చూస్తుండగా.. ఇంగ్లండ్ సెమీఫైనల్ బెర్త్ కోసం పోరాడనుంది. ఇక చివరి క్వార్టర్ ఫైనల్లో లియోనెల్ మెస్సీ నేతృత్వంలోని అర్జెంటీనా స్విట్జర్లాండ్ను ఎదుర్కొంటుంది. ఈజిప్ట్పై 0-2 నుంచి 3-2తో అద్భుతంగా పుంజుకుని క్వార్టర్స్కు చేరిన అర్జెంటీనా, ఇప్పుడు మరో విజయంతో సెమీఫైనల్కు చేరాలనే లక్ష్యంతో బరిలోకి దిగుతోంది.
ఫిఫా ప్రపంచకప్ 2026 క్వార్టర్ ఫైనల్ షెడ్యూల్:
జూలై 10: ఫ్రాన్స్ vs మొరాకో.
జూలై 10: స్పెయిన్ vs బెల్జియం.
జూలై 12: నార్వే vs ఇంగ్లండ్.
జూలై 12: అర్జెంటీనా vs స్విట్జర్లాండ్.