సమాజంలో మహిళలపై అఘాయిత్యాలు రోజురోజుకూ పెరుగుతున్నాయి. కామాంధులు వావివరుసలు కూడా చూడటం లేదు. కన్న కూతుర్లపై కూడా అత్యాచారానికి ఒడిగడుతున్నారు. తాజాగా.. యూపీలోని రాయ్బరేలీలో అలాంటి ఘటన వెలుగు చూసింది. ఇంట్లో నిద్రిస్తున్న ఏడేళ్ల బాలికపై తండ్రి అత్యాచారానికి పాల్పడ్డాడు. ఈ విషయాన్ని బాధితురాలు గ్రామస్తులకు చెప్పడంతో ఒక్కసారిగా షాక్ కు గురయ్యారు. అనంతరం.. ఈ విషయాన్ని పోలీసులకు చెప్పారు. దీంతో.. వెంటనే ఘటనా స్థలానికి చేరుకున్న పోలీసులు నిందితుడు తండ్రిని అదుపులోకి తీసుకున్నారు. కాగా.. ఈ ఘటన ఆ ప్రాంతంలో చర్చనీయాంశంగా మారింది.
Read Also: Rahul Gandhi: “నిందితులను రక్షించే ప్రయత్నం”.. కోల్కతా డాక్టర్ ఘటనలో మిత్రపక్షంపై విమర్శలు..
ఈ కేసు బచ్రావాన్ ప్రాంతంలో చోటు చేసుకుంది. కన్న తండ్రి తన ఏడేళ్ల కూతురిని తన కామ కోరికలకు బలి చేశాడు. ఈ సంఘటన మంగళవారం రాత్రి జరిగింది. బాలిక ఇంట్లో నిద్రపోతుండగా ఈ దారుణానికి ఒడిగట్టాడు. అయితే.. నాలుగు రోజుల క్రితం తల్లి చుట్టాలింటికి వెళ్లింది. ఇంట్లో మరెవరూ లేరు. ఈ క్రమంలో.. కూతురిని ఒంటరిగా ఉందని తండ్రి ఆమెపై అత్యాచారానికి పాల్పడ్డాడు. ఉదయం బాధితురాలు గ్రామస్తులకు చెప్పింది. బాలిక మాటలు విని ఆగ్రహించిన గ్రామస్తులు తండ్రిని కొట్టి పోలీసులకు సమాచారం అందించారు. ఘటనా స్థలానికి చేరుకున్న పోలీసులు నిందితుడిని పోలీస్స్టేషన్కు తరలించారు. ఈ ఘటనపై పోలీస్ స్టేషన్ హెడ్ ఓంప్రకాష్ తివారీ మాట్లాడుతూ.. నిందితుడు తండ్రిపై కేసు నమోదు చేశామని.. దర్యాప్తు చేస్తున్నట్లు తెలిపారు.
Read Also: Thailand: థాయ్లాండ్ ప్రధానిపై వేటు.. కోర్టు యాక్షన్తో ఊడిన పోస్టు
