EPFO: పీఎఫ్ డ్రా చేసేవారికి బిగ్ అప్‌డేట్.. 15G-15H స్థానంలో ఫారం 121.. ఎలా ఉపయోగించాలి?

ఉద్యోగుల భవిష్య నిధి సంస్థ కీలకమైన అప్‌డేట్ ఇచ్చింది. ఏప్రిల్ 1, 2026 నుంచి (ఆర్థిక సంవత్సరం 2026-27 నుంచి) ఫారం 15G, ఫారం 15H స్థానంలో ఒకే ఏకీకృత ఫారం- ఫారం 121 అమలులోకి వచ్చింది. ఇది కొత్త Income-tax Act, 2025 ప్రకారం వచ్చిన మార్పు. గతంలో ఫారం 15G 60 ఏళ్లలోపు వ్యక్తులు, ఫారం 15H సీనియర్ సిటిజన్లు (60 ఏళ్లు పైబడినవారు) ఉపయోగించేవారు. ఇప్పుడు వయస్సుతో సంబంధం లేకుండా అందరూ ఒకే ఫారం 121 ద్వారా TDS (Tax Deducted at Source) మినహాయింపు కోరవచ్చు. ప్రక్రియను సరళీకరించడం, గందరగోళం తగ్గించడం కోసం ఈ చర్య తీసుకున్నట్లు ఈపీఎఫ్ఓ తెలిపింది.

Also Read:TCS Nashik case: సుప్రీంకోర్టుకు చేరిన ‘‘టీసీఎస్ నాసిక్’’ మతమార్పిడుల కేసు.

ఫారం 121 ఏమిటి?

ఇది సెల్ఫ్ డిక్లరేషన్ ఫారం. మీరు ఆ సంవత్సరం మొత్తం ఆదాయంపై పన్ను బాధ్యత సున్నా (NIL) అని డిక్లేర్ చేస్తే, కొన్ని ఆదాయాలపై TDS కట్ చేయకుండా ఉంచవచ్చు. ఇది బాధ్యతాత్మకంగా నింపాలి. తప్పు సమాచారం ఇస్తే జరిమానా విధించే అవకాశం ఉంది.

ఏ ఆదాయాలపై వర్తిస్తుంది?

ఫారం 121 ద్వారా TDS మినహాయింపు కోరగల ఆదాయాలు

EPF/PF విత్‌డ్రాలు (ప్రావిడెంట్ ఫండ్ విత్‌డ్రా), పెన్షన్
బ్యాంకు/పోస్టాఫీసు డిపాజిట్లపై వడ్డీ
డివిడెండ్
మ్యూచువల్ ఫండ్ ఆదాయం
రెంట్, ఇన్సూరెన్స్ కమిషన్, లైఫ్ ఇన్సూరెన్స్ పేమెంట్లు మొదలైనవి.
EPFO సభ్యులకు ప్రత్యేకంగా PF విత్‌డ్రా సమయంలో ఈ ఫారం ఉపయోగపడుతుంది.

Also Read:Mumbai Cricket Association: క్రికెట్ హిస్టరీలో ఫస్ట్ టైమ్.. MCA ప్లేయర్స్ కి వార్షిక కాంట్రాక్టులు.. ఏకంగా రూ.20 లక్షలు

ఎవరు ఉపయోగించవచ్చు?

రెసిడెంట్ ఇండివిజువల్స్ (వయస్సు ఏదైనా)
HUFs (Hindu Undivided Families) కొన్ని నిర్దిష్ట సంస్థలు
కంపెనీలు, ఫర్మ్స్, నాన్-రెసిడెంట్లు ఉపయోగించలేరు.