హెచ్.ఐ.వి వైరస్ కు తన వద్ద మెడిసిన్ ఉందని… ఓ ప్రభుత్వ వైద్యుడు సంచలన వ్యాఖ్యలు చేశారు. నేషనల్ డాక్టర్ డే సందర్భంగా హైదరాబాద్ కోఠి డిఎంఈ ప్రాంగణంలో కోఠి యూ.పీ.హెచ్.సి లో పని చేస్తున్న డాక్టర్ వసంత్ కుమార్ మాట్లాడారు. ఓ హెచ్.ఐ.వి పేషంట్ కు తాను ఇచ్చిన మెడిసిన్ ద్వారా వైరస్ పూర్తిగా తగ్గిందని … వాటి సంబంధించిన రిపోర్ట్స్ చూపిస్తూ వివరాలు వెల్లడించారు. గతంలో కోవిడ్ , చికెన్ గునీయ , స్వైన్ ఫ్లూ , డెంగ్యూ వ్యాధులకు చికిత్స అందించనని పేర్కొన్నారు. డెంగ్యూ లో నాలుగు రోజుల్లో ప్లేట్ లెట్స్ 100 శాతం పెరిగాయని తెలిపారు. గత నాలుగేళ్లుగా తాము అందిస్తున్న వైద్యానికి సంబంధించి రికార్డ్స్ ను ఇండియన్ కౌన్సిల్ ఆఫ్ మెడికల్ రీసెర్చ్ (ఐసీఎమ్ఆర్) తో పాటు కేంద్ర హెల్త్ మినిష్టర్ కు అందజేసినట్లు వివరించారు. గత బిఆర్ఎస్ ప్రభుత్వంలో ఈ విషయాలను తాను బయటపెడితే తనపై అక్రమ కేసులు పెట్టి , నిర్బంధించారని ఆవేదన వ్యక్తం చేశారు. ప్రజా ప్రభుత్వం అయిన కాంగ్రెస్ ప్రభుత్వంలో తన రీసెర్చ్ ను గుర్తించాలని కోరారు. ఏ వైరల్ ఇన్ఫెక్షన్ వ్యాధులకైనా కొల్చిసిన్ మెడిసిన్ ఉపయోగిస్తున్నట్లు వివరించారు.