Game Changer: ‘నానా హైరానా’ సూపర్.. ఇది ‘శంకర్’ రేంజ్ సాంగ్ అంటే!

స్టార్ డైరెక్టర్ ఎస్ శంకర్ సినిమాలే కాదు.. సాంగ్స్ కూడా ఏ రేంజ్‌లో ఉంటాయని ప్రత్యేకంగా చెప్పాల్సిన అవసరం లేదు. జెంటిల్మెన్ నుంచి ఇండియన్ 2 వరకు చూసుకుంటే.. సినిమా బడ్జెట్ రేంజ్‌లో పాటల బడ్జెట్ కూడా ఉంటుంది. విజువల్ గ్రాండియర్‌ అంటేనే శంకర్ సాంగ్స్ గుర్తుకొస్తాయి. ఆ లొకేషన్స్, గ్రాఫిక్స్, ట్యూన్స్, లిరిక్స్.. అన్నీ కూడా ఊహకందని రీతిలో ఉంటాయి. ఇప్పుడు ‘గేమ్ ఛేంజర్‌’లోనూ అలాంటి సాంగ్స్ ఉండబోతున్నాయి. ఈ పాటల కోసమే కోట్లు కోట్లు ఖర్చు చేసినట్టుగా టాక్.

ఇప్పటికే రిలీజ్ అయిన జరగండి, రా మచ్చా సాంగ్స్‌ను భారీ సెటప్‌తో షూట్ చేశాడు. కానీ ఇవి శంకర్ రేంజ్ సాంగ్స్ కాదన్నట్టుగా.. ఎక్కడో చిన్న అసంతృప్తి మాత్రం అభిమానుల్లో ఉంది. ఇప్పుడు అసలు సిసలైన శంకర్ రేంజ్ సాంగ్ బయటికి రాబోతోంది. ఈసారి తమన్ ఇచ్చిన ట్యూన్‌ మామూలుగా ఉండేలా లేదు. ‘నానా హైరానా’ అంటూ సాగే థర్డ్ సింగిల్ ప్రోమోను టాగ్ రిలీజ్ చేయగా.. అదిరిపోయింది. సూపర్ మెలోడీగా ఈ సాంగ్ ఉండబోతోంది. ప్రముఖ సింగర్స్ కార్తీక్, శ్రేయా ఘోషల్ ఈ పాట పాడారు. న్యూజిలాండ్‌లో హీరో రామ్ చరణ్‌, హీరోయిన్ కియారా అద్వానీలపై అద్భుతమైన లొకేషన్స్‌లో ఈ సాంగ్ షూట్ చేశారు. ఈ లిరికల్ సాంగ్‌ను నవంబర్ 28న రిలీజ్ చేయనున్నారు. ఖచ్చితంగా ఈ సాంగ్ శంకర్ మార్క్ ట్రీట్ ఇస్తుందని చెప్పడంలో ఎలాంటి డౌట్స్ అక్కర్లేదు.

Also Read: Nayanthara Case: నయనతారపై సివిల్‌ కేసు నమోదు!

గేమ్ ఛేంజర్ సినిమాను 2025 సంక్రాంతి కానుకగా జనవరి 10న రిలీజ్ చేస్తున్నారు. విడుదలకు సమయం చాలానే ఉన్నా.. ఇప్పటికే ప్రమోషన్స్ స్టార్ట్ చేశారు మేకర్స్. ఈ నేపథ్యంలో ఫస్ట్ టైం అమెరికాలో భారీ ఎత్తున నిర్మాత దిల్ రాజు ప్రీ రిలీజ్ ఈవెంట్‌ను కూడా నిర్వహిస్తున్నారు. మన దగ్గర అయితే అంతకు మించి ఉందనడంలో ఎలాంటి సందేహం లేదు. రిలీజ్ లేట్ అవుతుండడంతో మెగా ఫాన్స్ ఆతృతగా ఎదురుచూస్తున్నారు. మరి గేమ్ ఛేంజర్ ఎలా ఉంటుందో చూడాలి.