Dhurandhar 2: బాక్సాఫీస్ వద్ద ‘ధురందర్ 2’ వసూళ్ల గర్జన.. 6 రోజుల్లోనే రూ.1000 కోట్ల క్లబ్‌కు!

Dhurandhar 2: బాక్సాఫీస్ వద్ద ‘ధురందర్ 2’ సృష్టిస్తున్న సునామీ ఆగడం లేదు. దర్శకుడు ఆదిత్య ధర్ – రణవీర్ సింగ్ కాంబినేషన్‌లో వచ్చిన ఈ చిత్రం ఇండియన్ సినిమా రికార్డులన్నింటినీ తిరగరాస్తోంది. కేవలం 6 రోజుల్లోనే ఈ సినిమా సాధిస్తున్న వసూళ్లు చూస్తుంటే ట్రేడ్ వర్గాలు సైతం నోరెళ్లబెడుతున్నాయి. రిలీజ్ అయిన మొదటి రోజు నుంచే ఈ సినిమా రికార్డుల వేట మొదలుపెట్టింది. సినిమా విడుదలైన ఆరో రోజు (మంగళవారం) కూడా తన పట్టును నిలబెట్టుకుంది. మంగళవారం ఈ సినిమా వసూళ్లు సుమారు రూ.56.55 కోట్లు అని సమాచారం. ఇండియా వైడ్ మొత్తం వసూళ్లు రూ.687.43 కోట్లు. ఇప్పటి వరకు ప్రపంచవ్యాప్త ఈ చిత్రం ఏకంగా రూ.919 కోట్లు రాబట్టిందని ట్రేడ్ వర్గాలు పేర్కొంటున్నాయి. మరో రెండు రోజుల్లోనే ఇది రూ.1000 కోట్ల మార్కును దాటడం ఖాయంగా కనిపిస్తోందని చెబుతున్నారు.

READ ALSO: Anil Ravipudi: వెంకటేష్ కోసం మ్యారిడ్ బ్యూటీ, కళ్యాణ్ రామ్ కోసం యంగ్ బ్యూటీ?

రాజమౌళి ‘బాహుబలి 2’ రికార్డు కనుమరుగు!
ఇన్నాళ్లూ బాలీవుడ్‌లో అత్యధిక ఓపెనింగ్ వసూళ్లు సాధించిన చిత్రంగా ఉన్న ‘బాహుబలి 2’ రికార్డును ‘ధురందర్ 2’ బద్దలు కొట్టింది. పెయిడ్ ప్రివ్యూలతో కలిపి ధురంధర్ 2 మొదటి రోజే రూ.145 కోట్లు వసూలు చేసి సరికొత్త చరిత్ర సృష్టించింది. కేవలం వారాంతాల్లోనే కాకుండా, వర్కింగ్ డే అయిన సోమవారం కూడా రూ.500 కోట్ల మార్కును దాటి బాక్సాఫీస్ వద్ద తన సత్తా చాటిందని చెబుతున్నారు. ఆదిత్య ధర్ తెరకెక్కించిన ఈ చిత్రం ఇటీవలి కాలంలో భారీ వసూళ్లు సాధించిన పలు చిత్రాలను వెనక్కి నెట్టింది. స్త్రీ 2 రూ.857.15 కోట్లు, కాంతర చాప్టర్ 1 రూ.852.36 కోట్లు, చావా రూ.601.54 కోట్లు భారీ రికార్డులను కొల్లగొట్టింది. ఈ చిత్రాల లైఫ్ టైమ్ వసూళ్లను ‘ధురందర్ 2’ కేవలం ఆరు రోజుల్లోనే అధిగమించడం విశేషం. ఈ చిత్రంలో బాలీవుడ్ స్టార్ హీరో రణవీర్ సింగ్ నటనకు, ఆదిత్య ధర్ మేకింగ్ స్టైల్‌కు దేశవ్యాప్తంగా ప్రశంసలు దక్కుతున్నాయి. సూపర్ స్టార్ రజనీకాంత్, సెన్సేషనల్ డైరెక్టర్ రామ్ గోపాల్ వర్మ వంటి ప్రముఖులు సోషల్ మీడియా వేదికగా ఈ చిత్రాన్ని కొనియాడారు. రణవీర్ సింగ్ కెరీర్‌లోనే ఇది ‘మైల్ స్టోన్’ మూవీ అని విశ్లేషకులు అభిప్రాయపడుతున్నారు.

READ ALSO: Youth: ఒక రోజు ఆలస్యంగా థియేటర్స్‌లో ‘యూత్’ సందడి!