Delhi : రికార్డు.. న్యూ ఇయర్ సందర్భంగా 24లక్షల సీసాలు పీల్చేశారు
Delhi : న్యూ ఇయర్ వేడుకల సందర్భంగా ఢిల్లీలో రికార్డు స్థాయిలో మద్యం విక్రయాలు జరిగాయి. డిసెంబర్ 31 రాత్రి 24 లక్షలకు పైగా మద్యం బాటిళ్ల వినియోగం నమోదైంది. ఎక్సైజ్ శాఖ లెక్కల ప్రకారం అర్థరాత్రి వరకు మొత్తం 24 లక్షల 724 బాటిళ్లు అమ్ముడుపోయాయి. గతేడాది కంటే ఈ సంఖ్య 4 లక్షలు ఎక్కువ. 2023 సంవత్సరంలో డిసెంబర్లో అత్యధిక మద్యం అమ్మకాలు జరిగాయి. 31వ తేదీతో కలిపి డిసెంబర్లో ఢిల్లీలో 5 కోట్లకు పైగా మద్యం బాటిళ్లు అమ్ముడుపోయాయి. డిసెంబర్ 2022తో పోలిస్తే ఈసారి డిసెంబర్లో 98 లక్షలకు పైగా మద్యం బాటిళ్లను వినియోగించారు. డేటా ప్రకారం, 2023లో కూడా నెలవారీ వృద్ధి 14 శాతం నమోదైంది.
Read Also:Prajapalana: రెండు రోజుల బ్రేక్ తర్వాత ప్రారంభమైన ‘ప్రజాపాలన’
డిసెంబరు 30న 17 లక్షల 79 వేల 379 మద్యం బాటిళ్లను విక్రయించినట్లు ఎక్సైజ్ శాఖ అధికారి ఒకరు తెలిపారు. గతేడాది డిసెంబర్లో ఢిల్లీలోని 520 షాపుల నుంచి దాదాపు 4 కోట్ల బాటిళ్లు అమ్ముడయ్యాయి. ఈసారి 635 షాపుల నుంచి 4 కోట్ల 97 లక్షల మద్యం బాటిళ్లు అమ్ముడుపోయాయి. నూతన సంవత్సర వేడుకల్లో ఈసారి అమ్మకాలు భారీగా పెరిగాయి. షాపులు పెరగడం కూడా రాజధానిలో మద్యం అమ్మకాలు పెరగడానికి ప్రధాన కారణంగా భావిస్తున్నారు. 2022లో 520 దుకాణాలతో పోలిస్తే ఈసారి 635 షాపుల్లో మద్యం విక్రయాలు జరిగాయి. మరిన్ని బ్రాండ్ల కారణంగా విక్రయాలలో పెరుగుదల నమోదు చేయబడింది. 2023 సంవత్సరంలో ప్రతి నెలా 14 శాతం పెరుగుదల నమోదైంది.
Read Also:Breaking: బెగుసరాయ్లో షార్ట్ సర్క్యూట్.. నలుగురు సజీవ దహనం