China: ఎటు చూసినా ముసలోళ్లే.. గగ్గోలు పెడుతున్న డ్రాగన్ కంట్రీ

China: పొరుగు దేశమైన చైనా ప్రస్తుతం గగ్గోలు పెడుతోంది. ఆ దేశంలో నానాటికీ వృద్ధుల సంఖ్య పెరుగుతోంది. సంతానోత్పత్తి విపరీతంగా పడిపోయింది. పిల్లలను కనడమే అక్కడ జనం మానేశారు. దీని ప్రభావం అక్కడి దేశ ఆర్థిక వ్యవస్థపై కనిపిస్తుండటంతో చైనా ప్రభుత్వం కూడా ఆందోళన చెందుతోంది. దేశంలోని మొత్తం జనాభాలో యువ తరం తగ్గుతోంది. స్పష్టంగా వృద్ధుల సంఖ్య పెరుగుతోంది. ఈ విషయం ప్రభావం దీర్ఘకాలంలో చైనా ఆర్థిక వృద్ధి రేటుపై కనిపిస్తుంది.

గ్లోబల్ రేటింగ్ ఏజెన్సీ మూడీస్ ఇన్వెస్టర్స్ సర్వీస్ గురువారం విడుదల చేసిన నివేదికలో చైనా అప్పులు మరింత పెరిగే అవకాశం ఉంది. ఈ నివేదికలో దేశంలో ఉత్పత్తి సామర్థ్యంలో నిరంతర క్షీణత, కార్మికుల సంఖ్య నిరంతరం తగ్గడం, ఆరోగ్య సంరక్షణ, సామాజిక వ్యయంపై అధిక కేటాయింపులతో పాటు, ప్రభుత్వం అభివృద్ధి పనులకు తక్కువ మూలధనాన్ని కలిగి ఉందని చైనాను హెచ్చరించింది. దాని ప్రభావం దీర్ఘకాలంలో చైనా ఆర్థిక వృద్ధి రేటుపై పడవచ్చని భయపడుతోంది. కోవిడ్ సంక్షోభం తరువాత చైనా ఆర్థిక వృద్ధి రేటుపై భారీ ప్రభావం కనిపించింది. దీని కారణంగా అక్కడి ప్రభుత్వం, ఆ దేశ అధ్యక్షుడు జి జిన్‌పింగ్ కూడా దానిపై దృష్టి పెట్టవలసి వచ్చింది. దేశ జనాభాలో వృద్ధుల సంఖ్య ఎక్కువగా ఉన్నందున దాని అభివృద్ధి చెందుతున్న రంగాలలో శ్రామిక శక్తి కొరత ఉంది. దీనితో పాటు దేశ వినియోగ విధానంలో కూడా వ్యత్యాసాలు కనిపిస్తున్నాయి.

Read Also:Divi Vadthya : పలుచని తెల్ల చీరలో బ్యాక్ అందాలు చూపిస్తూ రెచ్చగొడుతున్న హాట్ బ్యూటీ..

చైనాలో రియల్ ఎస్టేట్ రంగం క్లిష్ట పరిస్థితులను ఎదుర్కొంటోందని మూడీస్ నివేదిక పేర్కొంది. వృద్ధులు తమ పదవీ విరమణ అవసరాలకు ఎక్కువ ఖర్చు చేయాల్సి వస్తోంది. పొదుపు, వినియోగంపై పెద్దగా శ్రద్ధ చూపడం లేదు. దేశంలోని అనేక వినియోగ ఆధారిత రంగాల్లో దీని ప్రభావం కనిపిస్తోంది. చైనా 1979 నుండి ఒక బిడ్డ విధానాన్ని అవలంబిస్తోంది. చైనాలో సంతానోత్పత్తి రేటు స్థిరమైన క్షీణతను చూపుతున్నందున.. జనాభా పెరుగుదల కోసం తన విధానాన్ని మార్చుకుంది. ఇప్పుడు చైనాలో యువ జంటలు ముగ్గురు పిల్లలను కనాలని ప్రభుత్వాలు సూచిస్తున్నాయి. చైనాలో యువ తరం క్రమంగా తగ్గుతోంది. 2010 తర్వాత దశాబ్దంలో ఇక్కడ నవజాత శిశువుల సంఖ్య 30 శాతం భారీ క్షీణతను చూసింది. చైనా శ్రామిక జనాభా (15 నుండి 64 సంవత్సరాల వయస్సు) 2010లో 73 శాతానికి దగ్గరగా ఉంది. 2040 నాటికి దాదాపు 40 శాతానికి తగ్గుతుందని అంచనా. స్పష్టంగా ఒక దేశంలో యువత జనాభా తగ్గితే, అక్కడ ఆర్థిక కార్యకలాపాల కోసం ప్రజల సంఖ్య తగ్గుతుంది. ప్రస్తుతం చైనాలో జరుగుతోంది ఇదే. దీన్ని చూపిస్తూ త్వరలో పరిస్థితి మారకపోతే డ్రాగన్‌కు మరో దశ కష్టాలు మొదలయ్యే అవకాశం ఉందని మూడీస్ నివేదిక సూచిస్తోంది.