PM Modi: ప్రధాని మోడీ మరో ఇన్‌స్టాగ్రామ్ వీడియో.. ఈసారి ఏమన్నారంటే..

PM Modi: ప్రధాని నరేంద్రమోడీ మరోసారి ఇన్‌స్టాగ్రామ్ వీడియో విడుదల చేశారు. ఆగస్టు 07న జాతీయ చేనేత దినోత్సవం సందర్భంగా ప్రధాని దేశ ప్రజలకు ప్రత్యేక సందేశాన్ని ఇచ్చారు. దేశ ప్రజలకు జాతీయ చేనేత దినోత్సవ శుభాకాంక్షలు తెలియజేశారు. స్వదేశీ ఉద్యమ స్పూర్తిని గుర్తుచేస్తూ చేనేత ఉత్పత్తులను కొనుగోలు చేసి చేనేత కార్మికులకు అండగా నిలవాలని పిలుపునిచ్చారు. 1905 ఆగస్టు 7న స్వదేశీ ఉద్యమం ప్రారంభమైందని గుర్తుచేసిన ప్రధాని మోదీ, అదే ఉద్యమం ఆత్మనిర్భర్ భారత్‌కు పునాదులు వేసిందన్నారు. బ్రిటీష్ పాలనకు వ్యతిరేకంగా దేశ ప్రజలంతా స్వదేశీ వస్తువుల్ని ప్రోత్సహించడం ద్వారా స్వాతంత్ర్య ఉద్యమానికి మద్దతు ఇచ్చిన విషయాన్ని గుర్తు చేశారు.

ఇటీవల, స్నేహితుల దినోత్సవాన్ని యువత ఎంతో ఉత్సాహంగా జరుపుకున్నట్లే అదే స్థాయిలో జాతీయ చేనేత దినోత్సవాన్ని జరుపుకోవాలని ప్రధాని పిలుపునిచ్చారు. దేశంలోని లక్షలాది మంది నేత కార్మికుల కుటుంబాలకు అండగా నిలవాలంటే ప్రతీ ఒక్కరు కనీసం ఒక చేనేత వస్త్రాన్ని కొనుగోలు చేయాలని కోరారు. చేనేత వస్త్రాలు, ఉత్పత్తుల్ని కొనుగోలు చేసిన తర్వాత, వాటి వీడియోలను సోషల్ మీడియాలో పంచుకోవాలన్నారు. దీని ద్వారా చేనేత కార్మికులు ప్రతిభ, నైపుణ్యం, సంప్రదాయ చేనేత కళ ప్రపంచానికి తెలుస్తుందని చెప్పారు. చేనేత ఉత్పత్తుల్ని ప్రోత్సహించడం ద్వారా గ్రామీణ ఆర్థిక వ్యవస్థ బలోపేతం కావడంతో పాటు ఆత్మనిర్భర భారత్ లక్ష్యం సాధ్యమవుతుందని అన్నారు.

Tomorrow, 7th August is National Handloom Day. Let’s make India’s handloom diversity popular.

Share your videos with your favourite handloom products, including GRWM videos on social media.

Don’t forget to use #NationalHandloomDay. pic.twitter.com/zoFdTXphRL

— Narendra Modi (@narendramodi) August 6, 2026