Hyderabad: పాతబస్తీలో కెమికల్ బ్లాస్ట్.. ఓ వృద్దుడికి తీవ్ర గాయాలు.

హైదరాబాద్ పాతబస్తీలో కెమికల్ బ్లాస్ట్ అయింది. ఈ ఘటనలో 60 సంవత్సరాల వృద్దుడు తీవ్రంగా గాయపడ్డాడు. స్థానికులు వెంటనే బండ్లగూడ పోలీసులకు సమాచారం అందించారు. దీంతో పోలీసులు సంఘటనా స్థలానికి చేరుకుని.. వృద్ధుడి పరిస్థితి విషమంగా ఉండటంతో ఉస్మానియా ఆస్పత్రికి తరలించి చికిత్స అందిస్తున్నారు.

Read Also: Jagga Reddy: నాకు గెలుపు, ఓటమి రెండు సమానమే..

వివరాల్లోకి వెళితే.. బండ్ల గూడ పోలీస్ స్టేషన్ పరిధి క్రిస్టల్ టౌన్ షిప్ లోని చుట్టూ ప్రహరీ గోడ ఉన్న ప్లాట్ లోకి వృద్దుడు వెళ్లాడు. ఆ ప్లాట్ అహ్మద్ నజీర్ అనే అడ్వకేట్ దిగా గుర్తించారు. ఆ ప్లాట్ లోకి హమీద్ హుస్సేన్ అనే వ్యక్తి లోపలికి ఎలా వెళ్ళాడో తెలియదు కానీ.. అక్కడ ఏదో వెదుకుతూ ఉండగా ఒక్కసారిగా బ్లాస్ట్ అయింది. దీంతో ప్రక్కనే ఉన్న మసీదు కిటికీ అద్దాలు కూడా పగిలిపోయాయి. పెద్ద ఎత్తున శబ్ధం రావటంతో స్థానికులు వచ్చి చూడగా హమీద్ తీవ్రంగా గాయపడి ఉన్నాడు. దీంతో వారు పోలీసులకు సమాచారం అందించారు. సంఘటన స్థలానికి చేరుకున్న పోలీసులు.. ఈ ఘటనపై దర్యాప్తు చేస్తున్నారు.

Read Also: Kanguva : వచ్చే ఏడాది వేసవికి కంగువ రిలీజ్ లేనట్టేనా..?