స్కిల్ డెవలప్ మెంట్ స్కాం లో టీడీపీ అధినేత చంద్రబాబుపై సీఐడీ నమోదు చేసిన ఎఫ్ఐఆర్ ను కొట్టేయాలని ఆయన తరపున న్యాయవాదులు క్వాష్ పిటిషన్ దాఖలు చేశారు. అయితే ఏపీ హైకోర్టులో ఈ కేసు విచారణ రేపు విచారణకు వచ్చే అవకాశం ఉంది. రిమాండ్ ను సవాల్ చేస్తూ వేసిన రివ్యూ రివిజన్ పిటిషన్ లోనే క్యాష్ పిటిషన్ కూడా కలిపి వేసిన చంద్రబాబు తరపు లాయర్లు.
Read Also: Medical Seats: ఏపీ విద్యార్థులకు షాక్..! ఆ సీట్లన్నీ తెలంగాణ విద్యార్థులకే..
అయితే, టీడీపీ అధినేత చంద్రబాబు నాయుడిపై రాజకీయ కోణంతోనే కేసు పెట్టారని ఆయన తరపు లాయర్లు క్వాష్ పిటిషన్ దాఖలు చేశారు. ఇక, రేపు కోర్టు నంబర్ 4లో ఈ కేసు విచారణకు రానుంది. ఈ పిటిషన్ కు సంబంధించి చంద్రబాబు సంతకం కావాల్సి ఉండటంతో రాజమండ్రి సెంట్రల్ జైలుకి ఏపీ హైకోర్టు అడ్వకెట్ లక్ష్మీ నారాయణ వెళ్లి కలినట్లు తెలుస్తుంది. ఆ సంతకాల ప్రక్రియ ముగిసిన తర్వాత తిరిగి విజయవాడకు చేరుకోనున్నారు. ఈ కేసులో జస్టిస్ శ్రీనివాస్ రెడ్డి ధర్మాసనం ముందుకు రానుంది.
Read Also: Kuldeep Yadav: ఈ స్పెల్ జీవితాంతం గుర్తుండిపోతుంది: కుల్దీప్
17ఏ ప్రకారం రాష్ట్ర గవర్నర్ అనుమతి లేకుండా చంద్రబాబును ఎలా రాజమండ్రి సెంట్రల్ జైలుకు తరలిస్తారని ఈ పిటిషన్ లో చంద్రబాబు తరపు లాయర్లు పేర్కొన్నారు. ఇక, ఈ రెండు అంశాలకు సంబంధించి రేపు ఏపీ హైకోర్టులో విచారణకు రానుంది. ఇది కూడా ఈ కేసులో కీలకమైనది. ఇప్పటి వరకు చంద్రబాబుకు సంబంధించిన అన్ని కేసులు ఏసీబీ కోర్టులో విచారణ జరుగుతుంటే.. చంద్రబాబు అరెస్ట్ తర్వాత తొలి సారి ఏపీ హైకోర్టుకు వచ్చాయి.
