Naga Chaitanya : ఈ మధ్యకాలంలో రిలీజ్ అయిన ‘క’ అనే సినిమాతో సుజిత్-సందీప్ ద్వయం ఎంత ఫేమ‌స్ అయ్యారో తెలిసిందే. తొలి సినిమానే ఎంతో అనుభ‌వం కలిగినటువంటి డైరెక్టర్ల మాదిరిగా తెర‌కెక్కించి అందరి చేత శభాష్ అనిపించారు. తామే కథ రాసుకుని అద్భుత‌మై న మేకింగ్ తో విమ‌ర్శకుల ప్రశంసలు అందుకున్నారు. పిట్ట చిన్నదైనా కూత పెద్దది అన‌డానికి ఈ ఇద్దరు మ‌రో ఎగ్జాంపుల్ గా నిలిచారు. క‌ర్మ బేస్డ్ కాన్సెప్ట్ ని ఎంతో ఇంట్రెస్టింగ్ గా వెండి తెర‌పై ఆవిష్కరించారు. ప్లాప్ ల్లో ఉన్న కిర‌ణ్ అబ్బవరాన్ని ఒక్క హిట్ తో అలా హైప్ తీసుకొచ్చేశారు. ఈ సినిమా 50 కోట్లకు పైగా వ‌సూళ్లను సాధించిన సంగ‌తి తెలిసిందే. ఇదే క‌థ‌లో ఏ నాగచైతన్య, నాని లాంటి హీరోలు న‌టిస్తే? 100 కోట్లకు పైగా వ‌సూళ్లు వ‌చ్చేవి అని విశ్లేషకుల అంచనా. ఈ నేప‌థ్యంలో తాజాగా యువ సామ్రాట్ అక్కినేని నాగచైతన్య అందుకే ఆ యంగ్ మేక‌ర్స్ ను రంగంలోకి దించే ప్రయత్నాలు మొద‌లు పెట్టిన‌ట్లు వినిపిస్తుంది.
Read Also:PAC Chairman Election: పీఏసీ ఎన్నిక.. చైర్మన్‌గా జనసేన ఎమ్మెల్యే..!
ఇటీవ‌లే సందీప్-సుజిత్ ల‌ను పిలిపించుకుని ఏవైనా కథ ఉంటే చెప్పమని అడిగారుట. దానికి వాళ్లు త‌మ దగ్గర ఉన్నటు వంటి ఓ కథ చెప్పారట. అయితే నాగ చైత‌న్య ఎస్ చెప్పాడా? నో చెప్పాడా? తెలియదు కానీ ఆ ముగ్గురి మ‌ధ్య డిస్కషన్ మాత్రం జ‌రిగిన‌ట్లు లీకులు అందుతున్నాయి. తొలి సినిమానే ఇన్నో వేటివ్ గా తీశారు. ఇండస్ట్రీలో మంచి భ‌విష్యత్ ఉండాల‌నే ఇద్దరు డిఫ‌రెంట్ కంటెంట్ తో దిగుతున్నట్లు ప్రచారం జరుగుతుంది. దీన్ని బ‌ట్టి వాళ్ల దగ్గర స్టోరీ బ్యాంక్ ఉన్నట్లే తెలుస్తోంది. మ‌చ్చుకు చైతన్యకు ఓ స్టోరీ చెప్పి ఉండవచ్చు. అది కాక‌పోతే చైత‌న్య మెచ్చే వ‌ర‌కూ క‌థ‌లు చెబుతూనే ఉంటారు. ఇక `క` సినిమా ప్రమోష‌న్ కు నాగచైతన్య కూడా స‌హ‌క‌రించిన సంగ‌తి తెలిసిందే. కిర‌ణ్ అబ్బవరం పిలుపు మేర‌కు ప్రచార ప‌రంగా తాను చేయాల్సిందంతా చేసాడు. అలా `క` టీమ్ తో మంచి రిలేష‌న్ షిప్ ఏర్పడింది నాగ చైతన్యకు.
Read Also:RC 16 : నేడు మైసూరులో మెగా16 షూటింగ్ స్టార్ట్