గ్లోబల్ స్టార్ రామ్ చరణ్ గేమ్ ఛేంజర్ సంక్రాంతి రిలీజ్ కు రెడీ గా ఉంది. ఈ లోగా తన తర్వాతి సినిమాను స్టార్ట్ చేస్తున్నాడు చరణ్. RC16 గా ఈ సినిమా సెట్స్ పైకి వెళ్లనుంది. ఉత్తరాంధ్ర బ్యాక్డ్రాప్లో భారీ బడ్జెట్తో తెరకెక్కుతున్న ఈ చిత్రం పీరియాడికల్ నేపథ్యంలో సాగే విలేజ్ స్పోర్ట్స్ యాక్షన్ డ్రామాగా రూపొందనుంది. ఉప్పెన దర్శకుడు బుచ్చిబాబు ఈ సినిమాను రూపొందిస్తున్నాడు. రామ్ చరణ్ సరసన బాలీవుడ్ బ్యూటీ జాన్వీ కపూర్ హీరోయిన్ గా నటిస్తోంది.
Also Read : VishwakSen : మెకానిక్ రాకీ ఓవర్సీస్ టాక్.. ఎలా ఉందంటే..?
ఈ సినిమా మొదటి షెడ్యూల్ ను కర్ణాటక లోని మైసూరులో ప్లాన్ చేసారు. నవంబర్ 22 న అనగా నేడు మైసూర్లో RC16 అట్టహాసంగా ప్రారంభమవుతుంది. ఇందుకోసం యూనిట్ ఇప్పటికే అక్కడికి చేరుకుంది. దర్శకుడి బుచ్చిబాబు మైసూరులోని చాముండేశ్వరి మాత ఆలయంలో ఈ సినిమా స్క్రిప్ట్ ను అమ్మవారి చెంత ఉంచి ప్రత్యెక పూజలు చేపించారు. అమ్మవారి అశీసులతో నేడు సషూట్ స్టార్ట్ చేస్తున్నామని ఎక్స్ లో పోస్ట్ చేసాడు. మైసూరులో దాదాపు 15 రోజులు పాటు కీలక సన్నివేశాలను షూట్ చేయనున్నారని తెలుస్తోంది. ఆ తర్వాత యూనిట్ హైదరాబాద్ కు షిఫ్ట్ అవుతుంది. ఇక్కడ రామోజీ ఫిల్మ్ సిటీలో కొంత భాగం చిత్రీకరించనునున్నారు. ఈ సినిమాలో కన్నడ సూపర్ స్టార్ శివ రాజ్కుమార్ కీలక పాత్రలో నటించనున్నారు. ఈ చిత్రానికి ఆస్కార్ విజేత ఎ.ఆర్. రెహమాన్ సంగీతం అందిస్తున్నారు. సుకుమార్ రైటింగ్స్, వృద్ధి సినిమాస్ తో కలిసి మైత్రీ మూవీస్ బ్యానర్పై ఆర్సి 16 చిత్రాన్ని నిర్మిస్తున్నారు.
