ECI: “ఆ వార్త నమ్మొద్దు”.. సీఈసీ జ్ఞానేష్ కుమార్ యూపీ పర్యటన రద్దుపై ఈసీఐ క్లారిటీ..
- Follow Us :
-
-
Add as a preferred
source on google
Election Commission of India: కేంద్ర ఎన్నికల సంఘంలో ఊహించని పరిణామాలు చోటు చేసుకుంటున్నాయి. చీఫ్ ఎలక్షన్ కమిషనర్ (సీఈసీ) జ్ఞానేష్ కుమార్ ఉత్తరప్రదేశ్లోని మీరట్, వారణాసి నగరాల్లో పర్యటించాల్సి ఉండగా, ఆ పర్యటనలు హఠాత్తుగా వాయిదా పడ్డాయి. ఈ ఘటన తరువాత ఈ పర్యటన రద్దు కావడానికి కమిషన్ సభ్యుల మధ్య విభేదాలే కారణమనిపుకార్లు షికార్లు చేస్తున్నాయి. ఈ నేపథ్యంలో ఈసీఐ వివరణ ఇచ్చింది. ఈ వార్తలకు ఎలాంటి సంబంధం లేదని సీనియర్ ఎన్నికల అధికారులు స్పష్టం చేశారు. లాజిస్టికల్ ఇబ్బందులు, స్థానిక పరిస్థితులు, అలాగే సిఇసికి ఉన్న ఇతర అధికారిక కార్యక్రమాల వల్లే ఈ పర్యటనలను వాయిదా వేయాల్సి వచ్చిందని తెలిపారు. ఈ విషయాన్ని సెప్టెంబర్ 21నే నిర్ణయించి, సంబంధిత జిల్లాల అధికారులకు ఈమెయిల్ ద్వారా సమాచారం అందించినట్లు పేర్కొన్నారు.
ఈ పర్యటనల వాయిదా చుట్టూ ఇంత రచ్చ జరగడానికి ప్రధాన కారణం.. ఇటీవల ఎన్నికల సంఘం లోపల విభేదాలు బయటపడ్డాయంటూ వస్తున్న వార్తలే. ‘ది ఇండియన్ ఎక్స్ప్రెస్’ దర్యాప్తు కథనం ప్రకారం, అక్టోబర్ 2025 నుంచి ఆగస్టు 2026 మధ్య కాలంలో ఓటర్ల జాబితాలకు సంబంధించిన పలు నిర్ణయాలపై మిగతా ఇద్దరు ఎలక్షన్ కమిషనర్లు సుఖ్బీర్ సింగ్ సంధు, వివేక్ జోషి ఏకంగా 14 సార్లు తమ వ్యతిరేకతను (అభ్యంతరాలను) రికార్డు చేశారు. ప్రత్యేక తీవ్ర సమగ్ర సవరణ (SIR), ఓటర్ల నమోదు, పేర్ల తొలగింపు, అప్పీళ్లు, ఈసీ ఓటర్ డేటా సాఫ్ట్వేర్ యాక్సెస్ వంటి కీలక అంశాలపై వీరు అభ్యంతరాలు వ్యక్తం చేసినట్లు సమాచారం. అయితే, ఈ సమయంలో ముగ్గురు సభ్యుల కమిషన్ కలిసి అనేక మీడియా సమావేశాల్లో పాల్గొన్నప్పటికీ, ఈ ఇద్దరు కమిషనర్లు ఎక్కడా తమ విభేదాలను బయటకు రానివ్వకపోవడం గమనార్హం.
Also Read
- Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
- Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
- Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
- Kishan Reddy : డ్రగ్స్ రహిత భారత్ నిర్మాణమే ప్రధాని మోదీ లక్ష్యం
మరోవైపు, 2024 తర్వాత ఎన్నికల సంఘం ఓటర్ల జాబితా ‘ప్రత్యేక సంక్షిప్త సవరణ’ (SSR) చేపట్టలేదని ‘ది ఎకనామిక్ టైమ్స్’ నివేదించింది. 18 ఏళ్లు నిండిన కొత్త ఓటర్లు నమోదు చేసుకోవడానికి ఈ ప్రక్రియ చాలా కీలకం. ఈ ఆలస్యంపై కాంగ్రెస్ పార్టీ తీవ్ర స్థాయిలో విమర్శలు గుప్పిస్తోంది. అయితే, కేవలం ఉత్తరప్రదేశ్ పర్యటనలే కాకుండా హిమాచల్ ప్రదేశ్, ఉత్తరాఖండ్, లడఖ్ పర్యటనలు కూడా వాయిదా పడ్డాయని ఎన్నికల సంఘం వర్గాలు వివరణ ఇచ్చాయి. హిమాచల్ ప్రదేశ్లో పర్యాటక సీజన్, పరీక్షల వల్ల కార్యక్రమం వాయిదా వేయగా.. ఉత్తరాఖండ్లో ‘SIR’ ప్రక్రియ పూర్తయ్యాక యువతతో సమావేశం ఏర్పాటు చేయాలని నిర్ణయించారు. మానససరోవర్ ప్రమాదం కారణంగా లడఖ్ పర్యటన వాయిదా పడింది. ఇలాంటి యూత్ ఇంటరాక్షన్ కార్యక్రమాలకు దాదాపు వెయ్యి మంది వరకు వస్తుంటారని, అందుకే వాతావరణం, స్థానిక పరిస్థితులు, వనరులను బట్టి సమయాన్ని ఖరారు చేస్తామని అధికారులు చెబుతున్నారు. పైగా, చీఫ్ ఎలక్షన్ కమిషనర్ ఇటీవల భూటాన్ పర్యటనకు వెళ్లడం కూడా కొన్ని కార్యక్రమాలు వెనక్కి వెళ్లడానికి కారణమైంది. ఇక ఒక్కో పర్యటనకు రూ. 1.5 కోట్ల వరకు ఖర్చవుతుందనే వార్తలపై స్పందిస్తూ, కార్యక్రమం నిజంగా జరిగినప్పుడు మాత్రమే ఆ ఖర్చు అవుతుంది తప్ప, వాయిదా పడితే ఖర్చు కాదని కమిషన్ వర్గాలు స్పష్టం చేశాయి.
తాజావార్తలు
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
-
Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
-
OTR: కేటీఆర్ సభ రద్దు వెనుక అసలు కారణమేంటి..? BRSలో హాట్ టాపిక్..
-
Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
-
Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!